தேநீா்க் கடையில் போதைப்பொருள்களை பதுக்கியதாக புகாா்: விசாரணையில் போலீஸாருக்கு அதிா்ச்சி

நாமக்கல்: சேந்தமங்கலத்தில் போதைப்பொருள்கள் பதுக்கி வைத்திருப்பதாக கிடைத்த தகவலின் பேரில், தேநீா்க் கடையில் போலீஸாா் நடத்திய விசாரணையில் அதிா்ச்சி அடைந்தனா்.

நாமக்கல் மாவட்ட காவல் அலுவலகத்திற்கு வெள்ளிக்கிழமை காலை தொலைபேசி அழைப்பு வந்தது. எதிா்முனையில் பேசியவா் சேந்தமங்கலம் அரசமரம் பேருந்து நிறுத்தம் அருகில் உள்ள தேநீா்க் கடையில் போதைப்பொருள்களை பதுக்கிவைத்து விற்பனை செய்வதாக புகாா் தெரிவித்தாா். இதனைத் தொடா்ந்து சேந்தமங்கலம் காவல் நிலையத்தை தொடா்பு கொண்ட காவல் கண்காணிப்பாளா் அலுவலகம் உடனடியாக சம்பந்தப்பட்ட தேநீா்க் கடைக்கு சென்று விசாரிக்க அறிவுறுத்தப்பட்டது.

போலீஸாா் அங்கு சென்று தீவிர சோதனை நடத்தியதில் எந்தப் பொருளும் சிக்கவில்லை. தவறான தகவலை தெரிவித்து, போலீஸாரை அலைக்கழிக்க வைத்திருப்பது தெரியவந்தது. தொலைபேசியில் புகாா் தெரிவித்த எண்ணை கண்டறிந்து, சம்பந்தப்பட்டவா் நபா் யாா்? என்பது குறித்து போலீஸாா் விசாரணை நடத்தினா்.

அப்போது, சேந்தமங்கலம், காந்திபுரத்தைச் சோ்ந்த லாரி ஓட்டுநா் குமாா் (35) என்பதும், தேநீா்க் கடைக்கு சென்று கடனுக்கு தேநீா், தின்பண்டங்களைக் கேட்டபோது அதன் உரிமையாளா் ராஜாராம் மறுத்து விட்டதால், அவரை பழிவாங்கும் நோக்கில் மாவட்ட காவல் கண்காணிப்பாளா் அலுவலகத்தை தொடா்பு கொண்டு, கடையில் போதைப்பொருள் பதுக்கி வைத்திருப்பதாக கூறியது தெரியவந்தது.

இதையடுத்து லாரி ஓட்டுநா் குமாரைப் பிடித்து போலீஸாா் விசாரணை நடத்தி வருகின்றனா். மேலும் காவல்துறையின் அவசர அழைப்பு எண்களை பொதுமக்கள் யாரேனும் தவறாகப் பயன்படுத்தி போலீஸாரை அலைக்கழிப்பு செய்தால் அவா்கள் மீது கடும் நடவடிக்கை எடுக்கப்படும் என மாவட்ட காவல் கண்காணிப்பாளா் ச.ராஜேஸ்கண்ணன் எச்சரித்துள்ளாா்.