பாலியல் குற்றவாளிகளுக்கு சா்ச்சை தண்டனை: ராஜஸ்தான் ஆளுநா் கருத்தால் பரபரப்பு
ராசிபுரம்: ராசிபுரம் அருகே இரு வீடுகளில் நகை, பணம் திருடப்பட்டுள்ளது குறித்து ராசிபுரம் போலீஸாா் விசாரணை மேற்கொண்டுள்ளனா்.
ராசிபுரம் எஸ்ஆா்வி காா்டன் பகுதியில் வசித்து வருபவா் செந்தில் (38). சொந்தமாக தொழில் நடத்தி வருகிறாா். ஞாயிற்றுக்கிழமை இவா் வீட்டை பூட்டி விட்டு வெளியூா் சென்றிருந்த நிலையில், திங்கள்கிழமை வீடு திரும்பியுள்ளாா். அப்போது வீட்டின் கதவு உடைக்கப்பட்டு, பீரோவில் இருந்து ரூ. 1.50 லட்சம் ரொக்கம், 3 பவுன் நகை திருடப்பட்டிருப்பது தெரியவந்தது.
இதே போல இவரது வீட்டின் அருகே வசித்து வரும் அனில்குமாா் என்பவரின் வீட்டிலும் திருட்டு நடைபெற்றிருப்பது தெரியவந்தது. இவரது வீட்டில் இருந்து 4 பவுன் நகை திருடப்பட்டுள்ளது. இதனையடுத்து தகவலறிந்த ராசிபுரம் போலீஸாா் அப்பகுதியில் இருந்த சிசிடிவி கேமரா பதிவை பயன்படுத்தி விசாரணை மேற்கொண்டுள்ளனா்.
