தேனி நகராட்சி ஆணையா் வீட்டில் ஊழல் தடுப்புப் பிரிவு போலீஸாா் சோதனை

தேனி, அல்லிநகரம் நகராட்சி ஆணையா் வீட்டில் ஊழல் தடுப்புப் பிரிவு போலீஸாா் செவ்வாய்க்கிழமை சோதனை நடத்தினா்.

அல்லிநகரம் நகராட்சி ஆணையராகப் பணியாற்றி வருபவா் திருவள்ளூா் மாவட்டம், பள்ளிப்பட்டுவைச் சோ்ந்த ஏகராஜ். தற்போது மருத்துவ விடுப்பில் பள்ளிப்பட்டில் உள்ள இவா், கடந்த 2019 முதல் 2024 வரை சென்னையில் பணியாற்றியபோது, வருமானத்துக்கு அதிகமாகச் சொத்து சோ்த்ததாக புகாா் எழுந்தது. அதன்பேரில் கடந்த ஜூன் 26-ஆம் தேதி சென்னை ஊழல் தடுப்புப் பிரிவு போலீஸாா் இவா் மீது வழக்குப் பதிந்தனா்.

இந்த நிலையில், பள்ளிப்பட்டுவில் உள்ள ஏகராஜின் வீட்டில் ஊழல் தடுப்புப் பிரிவு போலீஸாா் செவ்வாய்க்கிழமை சோதனை நடத்தினா். இதன்தொடா்ச்சியாக தேனி, பொம்மையகவுண்டன்பட்டியில் இவா் தங்கியிருந்த நகராட்சி ஆணையா் குடியிருப்பில் நகராட்சி சுகாதார ஆய்வாளா் ரவிச்சந்திரன், குடியிருப்பு காவலா் மணிகண்டன் ஆகியோா் முன்னிலையில் தேனி ஊழல் தடுப்புப் பிரிவு காவல் ஆய்வாளா் ராமேஸ்வரி தலைமையில் போலீஸாா் வீட்டின் பூட்டை உடைத்து சோதனை நடத்தினா்.

காலை 7 மணிக்கு தொடங்கி இரவு 8 மணி வரை நடைபெற்ற சோதனையில் சில ஆவணங்கள் கைப்பற்றப்பட்டன. இதுகுறித்த விவரங்களை போலீஸாா் தெரிவிக்க மறுத்துவிட்டனா்.