தொழிற்பயிற்சி நிலையங்களில் சேர விண்ணப்பிக்கலாம்!

அரசு தொழிற்பயிற்சி நிலையங்கள், தனியாா் தொழிற்பயிற்சி நிலையங்களில் அரசு ஒதுக்கீட்டு இடங்களில் சேர இணைய வழியில் விண்ணப்பிக்கலாம் எனத் தெரிவிக்கப்பட்டது.

இதுதொடா்பாக திண்டுக்கல் மாவட்ட ஆட்சியா் செ.சரவணன் வெளியிட்ட செய்திக் குறிப்பு: அரசு தொழிற்பயிற்சி நிலையங்கள், தனியாா் தொழிற்பயிற்சி நிலையங்களில் அரசு ஒதுக்கீட்டு இடங்களில் சேர விரும்புவோா் ஜ்ஜ்ஜ்.ள்ந்ண்ப்ப்ற்ழ்ஹண்ய்ண்ய்ஞ்.ற்ய்.ஞ்ா்ஸ்.ண்ய் என்ற இணையதளத்தில் வரும் ஜூன் 13-ஆம் தேதி வரை விண்ணப்பிக்கலாம்.

திண்டுக்கல் மாவட்டத்தில் உள்ள 4 அரசுத் தொழிற்பயிற்சி நிலையங்களில் உள்ள பாடப் பிரிவுகள் குறித்து அறிந்து கொள்ள திண்டுக்கல் அரசினா் தொழிற்பயிற்சி நிலையத்தை 9965291516 என்ற எண்ணிலும், திண்டுக்கல் அரசினா் தொழிற்பயிற்சி நிலையத்தை (மகளிா்) 9499055763 என்ற எண்ணிலும், ஒட்டன்சத்திரம் அரசினா் தொழிற்பயிற்சி நிலையத்தை 9025155088 என்ற எண்ணிலும், குஜிலியம்பாறை அரசினா் தொழிற்பயிற்சி நிலையத்தை 9600827733 என்ற எண்ணிலும், திண்டுக்கல் மாவட்ட திறன் பயிற்சி அலுவலகத்தை 0451-2970049 என்ற எண்ணிலும் தொடா்பு கொள்ளலாம்.

அரசுத் தொழிற்பயிற்சி நிலையங்களில் சேரும் மாணவா்களுக்கு, பிரதி மாதம் ரூ.750 உதவித் தொகை வழங்கப்படும். தமிழ்ப் புதல்வன், புதுமைப்பெண் திட்டத்தின் கீழ், 12-ஆம் வகுப்பு வரை அரசுப் பள்ளியில் பயின்ற மாணவா்களுக்கு பிரதி மாதம் ஆயிரம் ரூபாய் வீதம் வழங்கப்படும்.

பயிற்சியில் சேர ஆண்கள் 14 முதல் 40 வயதுக்குள்பட்டவராக இருக்க வேண்டும். மகளிருக்கு உச்ச வயது வரம்பு இல்லை. விலையில்லா பாடப்புத்தகம், சீருடை, மிதிவண்டி, வரைபடக் கருவிகள், இலவசப் பேருந்து பயண அட்டை, விலையில்லா சீருடை உள்ளிட்டவை வழங்கப்படும். மத்திய அரசின் என்சிவிடி ( சஇயப) சான்றிதழ் வழங்கப்படும். கட்டணமில்லா உணவுடன் கூடிய தங்கும் விடுதி வசதியும் உள்ளது என்றாா் அவா்.