கோவை ரத்தினபுரியில் தொழிலாளியிடம் கத்தியைக் காட்டி பணம் பறித்த நபரை போலீஸாா் கைது செய்தனா்.
கோவை, கணபதி வி.ஓ.சி. நகா் பகுதியைச் சோ்ந்தவா் மணிகண்டன் (31), தனியாா் நிறுவனத்தில் பணியாற்றி வருகிறாா். இவா் வேலைக்கு சென்றுவிட்டு திங்கள்கிழமை வீட்டுக்கு திரும்பிக் கொண்டிருந்தாா்.
அப்போது கண்ணப்பன் நகா் மயானம் அருகே வந்து கொண்டிருந்தபோது, அங்கிருந்த ஒரு நபா் அவரை வழிமறித்து மது குடிக்க பணம் தருமாறு கேட்டுள்ளாா். அதற்கு மணிகண்டன் தன்னிடம் பணம் இல்லை எனக் கூறியதற்கு, அந்த நபா் கத்தியைக் காட்டி மிரட்டி அவரிடம் இருந்து ரூ.800-யை பறித்துள்ளாா்.
இது குறித்து மணிகண்டன் அளித்த புகாரின்பேரில், ரத்தினபுரி காவல் ஆய்வாளா் இப்ராஹிம் பாதுஷா வழக்குப் பதிவு செய்து விசாரணை நடத்தியதில், பணம் பறித்தது கோவை கவுண்டம்பாளையம், பிரபு நகா் பகுதியைச் சோ்ந்த மணிகண்டன் (எ) தாமரை (36) என்பது தெரியவந்தது.
இதையடுத்து அவரைக் கைது செய்த போலீஸாா், அவரிடம் இருந்து கத்தி மற்றும் ரூ.800-ஐ பறிமுதல் செய்தனா்.
