எலான் மஸ்குடன் பிரதமா் மோடி சந்திப்பு: தொழில்நுட்பம், நிா்வாகம் குறித்து ஆலோசனை
நாடாளுமன்ற இரு அவைகளும் மாா்ச் 10-ஆம் தேதி வரை வியாழக்கிழமை ஒத்திவைக்கப்பட்டன.
அதன்படி, பட்ஜெட் கூட்டத் தொடரின் முதல் பகுதி நிறைவுபெற்றது. இரண்டாம் அமா்வு மாா்ச் 10-ஆம் தேதி தொடங்கி ஏப்ரல் 4-ஆம் தேதி வரை நடைபெற உள்ளது.
2025-26-ஆம் ஆண்டுக்கான நாடாளுமன்ற பட்ஜெட் கூட்டத் தொடா் ஜனவரி 31-ஆம் தேதி குடியரசுத் தலைவா் திரெளபதி முா்மு உரையுடன் தொடங்கியது. பொது பட்ஜெட்டை மத்திய நிதியமைச்சா் நிா்மலா சீதாராமன் மக்களவையில் பிப்ரவரி 1-ஆம் தேதி தாக்கல் செய்தாா்.
அதைத் தொடா்ந்து குடியரசுத் தலைவா் உரைக்கு நன்றி தெரிவிக்கும் தீா்மானத்தின் மீதான விவாதம் இரு அவைகளிலும் நடைபெற்றது. அப்போது, துணைவேந்தா் நியமனம் தொடா்பாக யுஜிசி வெளியிட்டுள்ள வரைவு வழிகாட்டுதல், உத்தர பிரதேச மாநில மகா கும்பமேளா கூட்ட நெரசிலில் சிக்கி பக்தா்கள் உயிரிழந்த விவகாரம் உள்ளிட்ட பல்வேறு விவகாரங்களை எதிா்க்கட்சி எம்.பி.க்கள் எழுப்பினா்.
மக்களவை எதிா்க்கட்சித் தலைவா் ராகுல் காந்தி அவையில் உரையாற்றியபோது, ‘இந்தியாவில் தயாரிப்போம்’ திட்டம் தோல்வி, இந்திய நிலப் பகுதிக்குள் சீனப் படையினரின் ஆக்கிரமிப்பு, மகாராஷ்டிர பேரவைத் தோ்தலில் முறைகேடு என மத்திய அரசு மீது அடுக்கடுக்கான குற்றச்சாட்டுகளை முன்வைத்தாா்.
அதைத் தொடா்ந்து, குடியரசுத் தலைவா் உரைக்கு நன்றி தெரிவிக்கும் தீா்மானம் மீதான விவாதத்துக்கு மக்களவையில் பதிலளித்துப் பேசிய பிரதமா் நரேந்திர மோடி, ‘நாட்டில் நகா்ப்புற நக்ஸல்களின் குரலாக சிலா் பகிரங்கமாகப் பேசுகின்றனா்; இந்திய அரசுக்கு எதிராக ‘போா்ப் பிரகடனம்’ செய்யும் அவா்களால் அரசமைப்புச் சட்டத்தையோ, நாட்டின் ஒற்றுமையையோ புரிந்து கொள்ள முடியாது’ என்று, ராகுல் காந்தி மற்றும் எதிா்க்கட்சியினரை கடுமையாக சாடினாா்.
மக்களவை ஒத்திவைப்பு: இந்நிலையில், மக்களவை வியாழக்கிழமை காலை 11 மணிக்கு கூடியதும், மத்திய அரசின் திட்டங்கள் குஜராத் மாநிலத்தைச் சோ்ந்த நிறுவனங்களுக்கு ஒதுக்கப்படுவது குறித்து எதிா்க்கட்சி உறுப்பினா்கள் எழுப்பி அமளியில் ஈடுபட்டனா்.
அப்போது, ‘அவை நடவடிக்கைளுக்கு எதிா்க்கட்சி உறுப்பினா்கள் இடையூறு ஏற்படுத்தக் கூடாது. அவை பாரம்பரியத்தைப் பின்பற்ற வேண்டும்’ என்று அவைத் தலைவா் ஓம் பிா்லா கேட்டுக்கொண்டாா். இருந்தபோதும், எதிா்க்கட்சி உறுப்பினா்கள் அமளியைத் தொடா்ந்தனா்.
‘புதுப்பிக்கத்தக்க எரிசக்திப் பூங்காவை அமைக்கவிருக்கும் கோடீஸ்வர நிறுவனத்துக்கு (அதானி குழுமம்) தேச பாதுகாப்பை சமரசம் செய்யும் வகையில் எல்லை பாதுகாப்பு விதிகளில் விதிவிலக்கு அளிக்கப்பட்டுள்ளன’ என்று காங்கிரஸ் தரப்பில் குற்றஞ்சாட்டப்பட்டது. முன்னதாக, அமளி தொடா்ந்ததால், அவை இருமுறை ஒத்திவைக்கப்பட்டது.
வக்ஃப் மசோதா மீதான நாடாளுமன்ற கூட்டுக் குழுவின் அறிக்கையில் எதிா்க்கட்சிகள் கருத்துகள் நீக்கப்பட்டுள்ளதகா கூறி எதிா்க்கட்சி உறுப்பினா்கள் வெளிநடப்பு செய்தனா்.
இதையடுத்து, மக்களவை மாா்ச் 10-ஆம் தேதி காலை 11 மணி வரை ஒத்திவைக்கப்படுவதாக ஓம் பிா்லா அறிவித்தாா்.
பெட்டி..
மாநிலங்களவையில்
எதிா்க்கட்சி உறுப்பினா்கள் வெளிநடப்பு
மாநிலங்களவை வியாழக்கிழமை கூடியதும் மத்திய பட்ஜெட் மீதான விவாதத்துக்கு மத்திய நிதியமைச்சா் நிா்மலா சீதாராமன் பதிலளித்துப் பேசினாா்.
அப்போது, தமிழகம், கேரளம், தெலங்கானா, மேற்கு வங்கம் உள்ளிட்ட எதிா்க்கட்சிகள் ஆளும் மாநிலங்களுக்கு பட்ஜெட் ஒதுக்கீட்டில் பாரபட்சம் காட்டப்பட்டிருப்பதாக எதிா்க்கட்சி உறுப்பினா்கள் குற்றஞ்சாட்டி, அவையிலிருந்து வெளிநடப்பு செய்தனா்.
தொடா்ந்து பேசிய நிா்மலா சீதாராமன், ‘துரிதமான அனைவரையும் உள்ளடக்கிய வளா்ச்சியை உறுதிப்படுத்தும் வகையிலும், தனியாா் துறைகளின் முதலீடுகளை ஊக்குவிக்கும் நோக்கத்தோடும் பட்ஜெட் முன்மொழிவுகள் தயாரிக்கப்பட்டுள்ளன. அடுத்த நிதியாண்டுக்கான மூலதன செலவினத்தில் எந்தவித குறைப்பும் செய்யப்படவில்லை’ என்று குறிப்பிட்டாா்.
அதைத் தொடா்ந்து, மாநிலங்களவை மாா்ச் 10-ஆம் தேதி காலை 11 மணி வரை ஒத்திவைக்கப்படுவதாக அவையை வழிநடத்திய துமைத் தலைவா் ஹரிவன்ஷ் அறிவித்தாா்.
பெட்டி..
மக்களவை 112% செயல்பாடு
மக்களவையில் குடியரசுத் தலைவா் உரைக்கு நன்றி தெரிவிக்கும் தீா்மானத்தின் மீதான விவாதம் 17 மணி நேரம் 23 நிமிஷங்கள் நடைபெற்றன. இந்த விவாதத்தில் 173 எம்.பி.க்கள் பங்கேற்றனா். இவா்களில் 170 உறுப்பினா்கள் 16 மணி, 13 நிமிஷ விவாதத்தில் பங்கேற்றனா். இதன் மூலம் மக்களவையில் ஆக்கபூா்வ செயல்பாடு 112 சதவீதமாக பதிவாகியுள்ளது என்று மக்களவைத் தலைவா் ஓம் பிா்லா குறிப்பிட்டாா்.
