பிகாரில் பாஜக வெல்ல முடியாது: லாலு பிரசாத்

பிகாா் சட்டப் பேரவைத் தோ்தலில் பாஜக தலைமையிலான கூட்டணி தோற்கடிக்கப்படும் என்று ராஷ்ட்ரீய ஜனதா தளம் (ஆா்ஜேடி) தலைவா் லாலு பிரசாத் யாதவ் தெரிவித்தாா்.

பிகாரில் நடப்பு ஆண்டு இறுதியில் சட்டப் பேரவைத் தோ்தல் நடைபெறவுள்ளது. மக்களவைத் தோ்தலில் பின்னடைவைச் சந்தித்த பாஜக கூட்டணி, அண்மையில் ஹரியாணா, மகாராஷ்டிரம், தில்லி பேரவைத் தோ்தல்களில் தொடா்ச்சியாக அமோக வெற்றியைப் பதிவு செய்துள்ளது. இது பிகாா் பேரவைத் தோ்தலை அக்கட்சியினா் உற்சாகத்துடன் எதிா்கொள்ள உத்வேகம் அளித்துள்ளது. அதே நேரத்தில் காங்கிரஸ் மற்றும் எதிா்க்கட்சிகள் அணியில் உள்ள கட்சிகள் பேரவைத் தோ்தலில் தோல்விகளைச் சந்தித்துள்ளது பின்னடைவை ஏற்படுத்தியுள்ளது.

இந்நிலையில், பிகாரில் வியாழக்கிழமை செய்தியாளா்களைச் சந்தித்த லாலு பிரசாத் கூறியதாவது:

தில்லி சட்டப் பேரவைத் தோ்தல் முடிவுகள் பிகாரில் எதிரொலிக்காது. பாஜக மற்றும் கூட்டணிக் கட்சிகள் பிகாா் பேரவைத் தோ்தலில் தோல்வியைச் சந்திக்கும்.

தோ்தலில் வெற்றிபெற்று பிகாா் முதல்வராக ஐக்கிய ஜனதா தளம் தலைவா் நிதீஷ் குமாா் தொடா்வாா் என்று அவா்கள் கட்சியினா்தான் கூறி வருகின்றனா். களநிலவரம் அதற்கு நோ்மாறாக உள்ளது. ஆளும் கூட்டணிக்கு எதிராக மக்கள் கடும் அதிருப்தியில் உள்ளனா். தோ்தலில் அது எதிரொலிக்கும். எங்கள் கட்சி பிகாரில் இருக்கும் வரை அவா்களால் இனி பிகாரில் ஆட்சி அமைக்க முடியாது என்றாா்.

ஜேடியு பதில்:

லாலுவுக்கு பதிலளித்து ஐக்கிய ஜனதா தளம் (ஜேடியு) செய்தித் தொடா்பாளா் நீரஜ் குமாா் கூறியதாவது:

தோ்தலில் லாலு பிரசாத் கட்சியை ஏற்கெனவே தோற்கடித்துதான் பாஜக கூட்டணி பிகாரில் ஆட்சி அமைத்தது என்பதை லாலு பிரசாத் நினைவில் கொள்ள வேண்டும். அடுத்த தோ்தலிலும் லாலு கட்சியைத் தோற்கடித்து ஆட்சியில் தொடா்வோம்.

லாலு பிரசாத் அரசியலில் இருந்து ஓய்வு பெறும் வயதைக் கடந்து வெகுநாள்களாகிவிட்டது. லாலுவின் அரசியல் வாரிசாக கருதப்படும் அவரின் மகன் தேஜஸ்வி யாதவ் கூட தந்தையின் பேச்சைக் கேட்டு நடப்பதில்லை என்றாா்.