பொருளாதாரம் வளா்வதால் வெளிநாட்டு முதலீடு வெளியேறுவதாக விளக்கம்- நிா்மலா சீதாராமனுக்கு காா்கே கண்டனம்

இந்தியப் பொருளாதாரம் வளா்வதால் அந்நிய முதலீட்டு நிறுவனங்கள் இந்தியப் பங்குச் சந்தைகளில் இருந்து முதலீட்டைத் திரும்பப் பெறுவதாக நிதியமைச்சா் நிா்மலா சீதாராமன் தெரிவித்துள்ள விளக்கத்தை காங்கிரஸ் தேசிய தலைவா் மல்லிகாா்ஜுன காா்கே கடுமையாக விமா்சித்துள்ளாா்.

எஃப்ஐஐ எனப்படும் அந்நிய முதலீட்டு நிறுவனங்கள் இந்தியப் பங்குச் சந்தையில் செய்திருந்த முதலீட்டை திரும்பப் பெற்று வருகின்றன. இதனால் பங்குச் சந்தை சரிவைச் சந்தித்து வருகிறது. இது தொடா்பாக விளக்கமளித்த நிதியமைச்சா் நிா்மலா சீதாராமன், ‘இந்தியப் பொருளாதாரம் வளா்வதால் முதலீடுகளுக்கு நல்ல லாபம் கிடைக்கிறது. இதனால் அந்நிய முதலீட்டு நிறுவனங்கள் (எஃப்ஐஐ) தங்கள் கைவசம் உள்ள பங்குகளை விற்பனை செய்து லாபம் ஈட்டி வருகின்றன’ என்றாா்.

இதனை விமா்சித்து காா்கே ‘எக்ஸ்’ வலைதளத்தில் வெளியிட்ட பதிவில், ‘நிதியமைச்சரின் விளக்கம் முற்றிலும் முரண்பட்டதாக உள்ளது. பாா்வையைப் பறிகொடுத்துவிட்ட மோடி அரசு, நாட்டு மக்களின் வாழ்க்கைச் சீரழித்துவிட்டு பொருளாதாரத்துக்கு நன்றி கூறுகிறது.

2025-ஆம் ஆண்டு தொடங்கிய பிறகு இந்தியப் பங்குச் சந்தைகளில் இருந்து ரூ.45 லட்சம் கோடி திரும்பப் பெறப்பட்டுள்ளது. கடந்த 5 ஆண்டுகளாக தேசிய பங்குச் சந்தைக் குறியீட்டில் (நிஃப்டி) இடம் பெற்றுள்ள 50 நிறுவனங்களின் காலாண்டு வருமானம் மோசமாகவே உள்ளது. கடந்த அக்டோபரில் இருந்து இப்போது வரை வெளிநாட்டு முதலீட்டாளா்கள் ரூ.1.56 லட்சம் கோடி மதிப்பிலான பங்குகளை விற்பனை செய்துவிட்டனா். இதில் ரூ.1 லட்சம் கோடி பங்குகளை இந்த ஆண்டில் மட்டும் விற்றுள்ளனா். இது சிறு, நடுத்தர பங்கு முதலீட்டாளா்களின் முதலீட்டை முற்றிலுமாக ஒன்றுமில்லாமல் செய்து வருகிறது.

அமெரிக்க டாலருக்கு நிகரான இந்திய ரூபாயின் மதிப்பு ரூ.87 ஆக உள்ளது. வா்த்தகப் பற்றாக்குறை உச்சத்துக்கு சென்று வருகிறது. கடந்த 5 ஆண்டுகளில் இறக்குமதி 62.21 சதவீதம் அதிகரித்துவிட்டது. மோடி அரசின் வா்த்தகக் கொள்கை நாட்டுக்கு பேரழிவை ஏற்படுத்தி வருகிறது.

பெரு நிறுவனங்களுக்கு வரியைக் குறைத்தால், அவா்கள் அதிகம் முதலீடு செய்து வேலைவாய்ப்பைக் பெருக்குவாா்கள் என்று கூறி பெரு நிறுவன வரியை மத்திய அரசு குறைத்தது. இதன் மூலம் ரூ.10 லட்சம் கோடி வரி இழப்பு ஏற்பட்டது. ஒரு சில பெரு நிறுவனங்கள் மட்டுமே லாபமடைந்தன. வேலைவாய்ப்பு உருவாக்கம் குறையவே செய்தது.

விலைவாசி உயா்வு மக்களின் சேமிப்பைக் கரைப்பதுடன் அவா்களைக் கடனிலும் தள்ளி வருகிறது. எவ்வித தொலைக்நோக்குப் பாா்வையும், மக்கள் நலன் சாா்ந்த கொள்கையும் இல்லாமல் நாட்டின் பொருளாதாரம் திக்குத் தெரியாமல் பயணித்து வருகிறது. பல கோடி இந்தியா்களின் வாழ்வைச் சீரழித்துவிட்டு பொருளாதார வளா்வதாக நன்றி கூறி வருகின்றனா்’ என்று விமா்சித்துள்ளாா்.