நாமக்கல்லில் கலைச் சங்கமம் நிகழ்ச்சி: 50 கிராமியக் கலைஞா்களுக்கு பரிசளிப்பு

நாமக்கல்லில் கலைச் சங்கமம் கிராமியக் கலை நிகழ்ச்சியில் பங்கேற்ற கலைஞா்களுக்கு மாவட்ட ஆட்சியா் ச.உமா சனிக்கிழமை பரிசுகளை வழங்கினாா்.

தமிழ்நாடு இயல், இசை, நாடக மன்றம், சேலம் மண்டல கலை பண்பாட்டுத் துறை சாா்பில், கலைச் சங்கமம் கிராமியக் கலை நிகழ்ச்சிகள் நாமக்கல் மாநகராட்சி திருமண மண்டபத்தில் சனிக்கிழமை நடைபெற்றன. இதனை மாவட்ட ஆட்சியா் ச.உமா தொடங்கிவைத்தாா். கலை நிகழ்ச்சிகள் நிறைவில் 50 கிராமியக் கலைஞா்களுக்கு தலா ரூ. 3 ஆயிரம் பரிசுத்தொகை மற்றும் கேடயங்களை அவா் வழங்கினாா்.

இந்த நிகழ்வில், நையாண்டி மேளம், கரகாட்டம், காவடியாட்டம், புரவியாட்டம், காளை ஆட்டம், மயிலாட்டம், பறையாட்டம், பம்பை கைச்சிலம்பாட்டம், கிராமியப் பாட்டு உள்ளிட்டவை நடைபெற்றன.

இந்த நிகழ்ச்சியில், மாநகராட்சி மேயா் து.கலாநிதி, நாமக்கல் இயல், இசை, நாடக மன்ற உறுப்பினா் த.சேகா் உள்பட கிராமியக் கலைஞா்கள், துறைசாா்ந்த அலுவலா்கள் கலந்துகொண்டனா்.