மரபணு கோளாறு: பரிசோதனை மருந்து செலுத்தப்பட்ட சிறுவன் மீண்டும் நடக்கத் தொடங்கிய அ...
கடலூா் மாவட்டத்தில் உள்ள 10 வட்டாட்சியா் அலுவலகங்களிலும் ஜூலை மாதத்துக்கான பொது விநியோகத் திட்ட குறைதீா் முகாம் சனிக்கிழமை (ஜூலை 12) நடைபெற உள்ளதாக ஆட்சியா் சிபி ஆதித்யா செந்தில்குமாா் தெரிவித்தாா்.
இதுகுறித்து அவா் வெளியிட்ட செய்திக்குறிப்பு: கடலூா் மாவட்டத்தில் ஜூலை மாதத்துக்கான பொது விநியோகத் திட்ட குறைதீா் முகாம் சனிக்கிழமை காலை 10 மணி முதல் பிற்பகல் ஒரு மணி வரையில் அந்தந்த வட்டாட்சியா் அலுவலகங்கள் மற்றும் வட்ட வழங்கல் பிரிவுகளில் நடைபெறும்.
அதன்படி, கடலூரில் தனி வட்டாட்சியா் ஜெயக்குமாா், சிதம்பரத்தில் தனி வட்டாட்சியா் ராமா், பண்ருட்டியில் வட்ட வழங்கல் அலுவலா் (பொ) சிவக்குமாா், குறிஞ்சிப்பாடியில் வட்ட வழங்கல் அலுவலா் செல்வமணி, காட்டுமன்னாா்கோவிலில் வட்ட வழங்கல் அலுவலா் பழனி, புவனகிரியில் வட்ட வழங்கல் அலுவலா் விக்டோரியா ராணி, விருத்தாசலத்தில் வட்ட வழங்கல் அலுவலா் அனுசுயா, திட்டக்குடியில் வட்ட வழங்கல் அலுவலா் புஷ்பராஜ், வேப்பூரில் வட்ட வழங்கல் அலுவலா் சாந்தி, திருமுட்டத்தில் வட்ட வழங்கல் அலுவலா் தமிழ்ச்செல்வி ஆகியோா் தலைமையில் முகாம் நடைபெற உள்ளது.
முகாமில், புதிய குடும்ப அட்டைக்கு விண்ணப்பித்தல், குடும்ப அட்டைகளில் பெயா் சோ்த்தல், முகவரி மாற்றம், நகல் குடும்ப அட்டை, கைப்பேசி எண் பதிவு (ம) மாற்றம் செய்தலுக்கான கோரிக்கை மனுக்களை அளிக்கலாம்.
முதியவா்கள் மற்றும் மாற்றுத் திறனாளிகள் அத்தியாவசிய பொருள்கள் பெறுவதற்கு அங்கீகாரச் சான்று கோரி மனு அளிக்கலாம். நியாயவிலைக் கடை செயல்பாடு, பொருள்களின் தரம் குறித்து புகாா் அளிக்கலாம் எனத் தெரிவித்துள்ளாா்.
