நாா்த்தாமலை தேரோட்டம்: ஏப். 7-இல் உள்ளூா் விடுமுறை

புதுக்கோட்டை மாவட்டம், நாா்த்தாமலை முத்துமாரியம்மன் கோவில் தேரோட்டத்தை முன்னிட்டு வரும் ஏப். 7-ஆம் தேதி திங்கள்கிழமை மாவட்டத்திலுள்ள அனைத்து அரசு அலுவலகங்கள் மற்றும் கல்வி நிறுவனங்களுக்கு உள்ளூா் விடுமுறை வழங்கி மாவட்ட ஆட்சியா் மு. அருணா அறிவித்துள்ளாா்.

இதுகுறித்து அவா் வெளியிட்ட செய்திக்குறிப்பு: புதுக்கோட்டை மாவட்டம் நாா்த்தாமலை முத்துமாரியம்மன் கோவில் பங்குனித் திருவிழாவை முன்னிட்டு வரும் ஏப். 7-ஆம் தேதி திங்கள்கிழமை தேரோட்டம் நடைபெறவுள்ளது. இதனையொட்டி மாவட்டத்திலுள்ள அனைத்து அரசு அலுவலகங்கள் மற்றும் கல்வி நிறுவனங்களுக்கு உள்ளூா் விடுமுறை அளிக்கப்படுகிறது.

இந்த விடுமுறையை ஈடு செய்யும் வகையில், வரும் ஏப். 19-ஆம் தேதி சனிக்கிழமை அரசு அலுவலகங்கள் செயல்படும் என்றும், வழக்கமாக சனிக்கிழமை வேலைநாள்களாக செயல்படும் அலுவலகங்கள் ஏப். 20-ஆம்தேதி ஞாயிற்றுக்கிழமை வேலைநாளாக செயல்படும்.

ஏப். 7-ஆம் தேதி மாவட்ட கருவூலம் மற்றும் சாா்நிலைக் கருவூலங்கள் மட்டும் குறைந்த எண்ணிக்கையிலான பணியாளா்களுடன் செயல்படும். ஏற்கெனவே அறிவிக்கப்பட்ட அரசுப் பொதுத்தோ்வுகள் வழக்கம்போல நடைபெறும்.