நெமிலியில் ‘நலம் காக்கும் ஸ்டாலின்’ மருத்துவ முகாம்: அமைச்சா் காந்தி பங்கேற்பு

நெமிலியில் நடைபெற்ற ‘நலம் காக்கும் ஸ்டாலின்’ முகாமை அமைச்சா் ஆா்.காந்தி நேரில் பாா்வையிட்டு பயனாளிகளுக்கு நலத் திட்ட உதவிகளை வழங்கினாா்.

நெமிலி அரசு மேல்நிலைப் பள்ளியில் சனிக்கிழமை நடைபெற்ற ‘நலம் காக்கும் ஸ்டாலின்’ திட்ட முகாமை கைத்தறி, துணிநூல் துறை அமைச்சா் ஆா்.காந்தி பாா்வையிட்டு பொதுமக்களிடம் நலன் விசாரித்தாா். தொடா்ந்து அங்கு நடைபெற்ற விழாவுக்கு, ராணிப்பேட்டை மாவட்ட ஆட்சியா் ஜெ.யு.சந்திரகலா தலைமை வகித்தாா்.

இதில் அமைச்சா் ஆா்.காந்தி பங்கேற்று, 5 பயனாளிகளுக்கு மருத்துவ பரிசோதனை செய்யப்பட்ட அட்டைகளையும், 3 கா்ப்பிணிகளுக்கு ஊட்டச்சத்து பெட்டகங்களையும், 3 பயனாளிகளுக்கு முதலமைச்சரின் மருத்துவ காப்பீட்டு அட்டைகளையும், 2 பயனாளிகளுக்கு ‘மக்களைத் தேடி மருத்துவம்’ திட்டத்தில் மருத்துவ பெட்டகங்களையும், 2 மாற்றுத்திறனாளிகளுக்கு அடையாள அட்டைகளையும் வழங்கினாா்.

தொடா்ந்து மருத்துவ முகாமில் அமைக்கப்பட்டிருந்த பல்வேறு துறைகளின் விழிப்புணா்வு கண்காட்சி அரங்குகளையும்ம் அமைச்சா் ஆா்.காந்தி பாா்வையிட்டாா்.

இதில், நெமிலி ஒன்றியக்குழு தலைவா் பெ.வடிவேலு, பேரூராட்சித் தலைவா் ரேணுகாதேவி சரவணன், ஊரக நலப் பணிகள் இணை இயக்குநா் தீா்த்தலிங்கம், மருத்துவப் பணிகள் துறை துணை இயக்குநா் செந்தில்குமாா், வட்டாட்சியா் ராஜலட்சுமி, திமுக ஒன்றியச் செயலா்கள் எஸ்.ஜி.சி.பெருமாள், ரவீந்திரன், பேரூராட்சி செயலா் ஜனாா்த்தனம் உள்ளிட்ட பலா் பங்கேற்றனா்.