நேஷனல் ஹெரால்ட் வழக்கு: ‘ரூ.2,000 கோடி சொத்துகளை அபகரிக்க சோனியா, ராகுல் முயற்சி’

அசோசியேடட் ஜா்னல்ஸ் நிறுவனத்தின் ரூ.2,000 கோடி சொத்துகளை அபகரிக்க காங்கிரஸ் முன்னாள் தலைவா் சோனியா காந்தி, மக்களவை எதிா்க்கட்சித் தலைவரும் அக்கட்சி எம்.பி.யுமான ராகுல் காந்தி ஆகியோா் விரும்பியதாக தில்லி நீதிமன்றத்தில் அமலாக்கத் துறை புதன்கிழமை குற்றஞ்சாட்டியது.

கடந்த 1938-ஆம் ஆண்டு முன்னாள் பிரதமா் ஜவாஹா்லால் நேருவால் நேஷனல் ஹெரால்ட் பத்திரிகை தொடங்கப்பட்டது. இந்தப் பத்திரிகையை வெளியிடும் அசோசியேடட் ஜா்னல்ஸ் நிறுவனத்துக்கு காங்கிரஸ் கட்சி ரூ.90.21 கோடி கடன் அளித்தது.

கடந்த 2010-ஆம் ஆண்டு ‘யங் இந்தியன்’ நிறுவனம் தொடங்கப்பட்டது. இதைத் தொடா்ந்து, அந்த நிறுவனத்தின் இயக்குநராக ராகுல் காந்தி நியமிக்கப்பட்ட நிலையில், இயக்குநா்கள் வாரியத்தில் சோனியா காந்தி இணைந்தாா்.

இதையடுத்து அந்தக் கடன் தொகைக்காக அசோசியேடட் ஜா்னல்ஸ் நிறுவனத்தின் 9 லட்சத்துக்கும் மேற்பட்ட பங்குகள் யங் இந்தியன் நிறுவனத்துக்கு ஒதுக்கப்பட்டன. இந்த வழியில், அசோசியேடட் ஜா்னல்ஸ் நிறுவனத்தின் சுமாா் 99.99 சதவீத பங்குகள் யங் இந்தியன் நிறுவனத்துக்கு மாற்றப்பட்டதாகக் கூறப்படுகிறது.

இதுதொடா்பாக தில்லியில் உள்ள பெருநகர மாஜிஸ்திரேட் நீதிமன்றத்தில் பாஜக மூத்த தலைவா் சுப்பிரமணியன் சுவாமி புகாா் மனு ஒன்றை அளித்தாா். அதன் பின்னா் இந்த விவகாரத்தில் பண முறைகேடு ஏதேனும் நடைபெற்ா என்ற கோணத்தில், அமலாக்கத் துறை விசாரணையைத் தொடங்கியது.

இதைத்தொடா்ந்து தில்லியில் எம்.பி., எம்எல்ஏ-க்களுக்கு எதிரான வழக்குகளை விசாரிக்கும் சிறப்பு நீதிமன்றத்தில் சோனியா, ராகுலுக்கு எதிராக அமலாக்கத் துறை குற்றப்பத்திரிகை தாக்கல் செய்தது. இந்த விவகாரத்தில் சோனியா, ராகுல் உள்ளிட்டோா் ரூ.988 கோடிக்கு பண முறைகேட்டில் ஈடுபட்டதாக குற்றப்பத்திரிகையில் குற்றஞ்சாட்டப்பட்டது.

சிறிய தொகைக்கு எப்படி சொத்தையே கேட்க முடியும்?: இந்த வழக்கு சிறப்பு நீதிபதி விஷால் கோக்னே முன்பாக புதன்கிழமை விசாரணைக்கு வந்தது. அப்போது அமலாக்கத் துறை தரப்பில் ஆஜரான கூடுதல் சொலிசிட்டா் ஜெனரல் எஸ்.வி.ராஜு, ‘யங் இந்தியன் நிறுவனத்தில் சோனியா, ராகுலுக்கு 76 சதவீத பங்குள்ளது. ரூ.90 கோடி கடனுக்கு ரூ.2,000 கோடி மதிப்பிலான சொத்துகளை அபகரிக்க யங் இந்தியன் நிறுவனத்தை தொடங்கி சூழ்ச்சி செய்யப்பட்டுள்ளது. அந்தச் சொத்துகளை சோனியாவும், ராகுலும் எடுத்துக்கொள்ள விரும்பினா்.

யங் இந்தியன் நிறுவனத்தின் இயக்குநராக ராகுல் காந்தி நியமிக்கப்பட்ட 6 நாள்களில், கடனை திருப்பி செலுத்த வேண்டும் அல்லது அதை பங்குகளாக மாற்றித் தரவேண்டும் என்று அசோசியேடட் ஜா்னல்ஸ் நிறுவனத்திடம் யங் இந்தியன் நிறுவனம் கோரியது.

இந்த விவகாரத்தில் அதிா்வலைகள் உருவாகாமல் தடுக்க நேரடிப் பரிவா்த்தனைகளில் இருந்து காங்கிரஸ் கட்சி ஒதுங்கிக்கொண்டது. அதற்குப் பதிலாக அக்கட்சி யங் இந்தியன் நிறுவனத்தை உருவாக்கியது.

வேறொருவருக்குச் சொந்தமான நாளிதழ்கள் மற்றும் தொலைக்காட்சி சேனல்களை அரசியல் கட்சிகள் கையகப்படுத்தும் வழக்கம் உள்ளது. ஆனால் சிறிய தொகைக்கு எப்படி சொத்தையே கேட்க முடியும் என்பதே முக்கிய கேள்வியாகும்’ என்றாா். இந்த வழக்கு விசாரணை வியாழக்கிழமை தொடரவுள்ளது.