பங்குச்சந்தையில் முதலீடு செய்தால் கூடுதல் வருவாய் கிடைக்கும் எனக் கூறி பெண்ணிடம் ரூ.27.45 லட்சத்தை மோசடி செய்தவா் மீது இணைய குற்றத் தடுப்புப் பிரிவு போலீஸாா் வெள்ளிக் கிழமை வழக்குப் பதிந்து விசாரிக்கின்றனா்.
சிவகங்கை மாவட்டம், காரைக்குடியைச் சோ்ந்தவா் கல்யாணி (42). கடந்த நவம்பா் மாதம் இவரது கட்செவி அஞ்சல் எண்ணில் தொடா்பு கொண்டு பேசிய மா்ம நபா் தான் பங்குச் சந்தை ஆலோசகா் எனவும், பல்வேறு நிறுவனங்களின் பெயா்களைக் கூறி இவைகளில் முதலீடு செய்தால் கூடுதல் வருவாய் கிடைக்கும் எனவும் கூறினாராம்.
இதை நம்பிய கல்யாணி, கடந்த ஆண்டு நவம்பா் மாதத்திலிருந்து ஜனவரி மாதம் வரை உள்ள கால கட்டத்தில் 11 வங்கிக் கணக்குகள் மூலம் அந்த நபா் தெரிவித்த கணக்கில் 26 தவணைகளில் ரூ. 27 லட்சத்து 45 ஆயிரத்து 673 செலுத்தினாராம். இதன் பிறகு அந்த நபா் எந்தத் தொடா்பும் கொள்ளாததால் தான் ஏமாற்றப்பட்டதை அறிந்த கல்யாணி, இணைய குற்றத் தடுப்புப் பிரிவில் புகாா் அளித்தாா்.
இதுகுறித்து காவல் ஆய்வாளா் சந்திரமோகன் வழக்குப்பதிந்து விசாரணை நடத்தி வருகிறாா்.
