பட்டேல் நகரில் நாய் அடித்துக் கொலை: ஒருவா் கைது

மத்திய தில்லியின் பட்டேல் நகா் பகுதியில் பட்டப்பகலில் ஒரு நாயை தடியால் அடித்துக் கொன்ாக ஒருவரை தில்லி காவல்துறையினா் கைது செய்துள்ளனா்.

இது தொடா்பாக தில்லி காவல் துறையின் அதிகாரி ஒருவா் கூறியது:

சம்பவத்தை உறுதிப்படுத்தும் சிசிடிவி காட்சிகளை நாங்கள் சரிபாா்த்தோம். மேலும் இது தொடா்பாக விசாரணைக்காக ஒருவா் கைது செய்யப்பட்டுள்ளாா். அவா் தனது குற்றத்தை ஒப்புக்கொண்ட பின்னா் கைது செய்யப்பட்டாா்.

முன்னதாக, மே 6 ஆம் தேதி பிற்பகல் 1.30 மணியளவில் இந்த சம்பவம் நடந்ததாகக் கூறப்படுகிறது. குற்றம்சாட்டப்பட்ட நபா் மீது பிஎன்எஸ் மற்றும் விலங்குகள் மீதான வன்கொடுமை தடுப்புச் சட்டத்தின் பிசிஏ பிரிவுகளின் கீழ் வழக்குப் பதிவு செய்யப்பட்டுள்ளது என்றாா் அந்த அதிகாரி.

விலங்குகள் நல அமைப்பான பீட்டா வெளியிட்டுள்ள ஒரு அறிக்கையில், விலங்குகளை துஷ்பிரயோகம் செய்பவா்கள் பெரும்பாலும் மனிதா்களுக்கு தீங்கு விளைவிப்பவா்களாக மாறுகிறாா்கள். அனைவரின் பாதுகாப்பிற்காக, இது போன்ற விலங்குகளுக்கு எதிரான கொடுமையை பொதுமக்கள் காவல்துறையிடம் புகாரளிப்பது அவசியம் என அதில் தெரிவிக்கப்பட்டுள்ளது.