தேவாரத்தைச் சோ்ந்த பெண்ணின் வங்கிக் கணக்கு செயலியை முறைகேடாகப் பயன்படுத்தி ரூ.24.69 லட்சம் மோசடி செய்த பிகாா் மாநிலத்தைச் சோ்ந்த இளைஞரை போலீஸாா் திங்கள்கிழமை கைது செய்தனா்.
தேவாரம் ஏ.ஆா்.டி. குடியிருப்பைச் சோ்ந்தவா் சிவனேசன். இவா் அதே பகுதியில் மளிகைக் கடை, நகை அடகுக் கடை வைத்துள்ளாா். இவரது மனைவி தேசியமயமாக்கப்பட்ட இரு வங்கிகளில் சேமிப்புக் கணக்கு வைத்துள்ளாா். மேலும், இவா் தனது கைப்பேசியில் வங்கிகளின் செயலியை பதிவிறக்கம் செய்து பயன்படுத்தி வந்ததாகக் கூறப்படுகிறது.
இந்த நிலையில், கடந்த ஆண்டு, பிப்ரவரி மாதம் முதல் மாா்ச் மாதம் வரை சிவனேசனின் மனைவியின் வங்கிக் கணக்கிலிருந்து அவருக்குத் தெரியாமல் பல்வேறு தவணைகளில் மொத்தம் ரூ.24.69 லட்சம் எடுக்கப்பட்டது தெரிய வந்தது.
இதுகுறித்து தேனி இணையவழி குற்றத் தடுப்பு பிரிவில் சிவனேசன் புகாா் அளித்தாா். இதன் பேரில், போலீஸாா் வழக்குப் பதிந்து விசாரணை நடத்தினா்.
இதில் சிவனேசனின் மனைவியின் வங்கிக் கணக்கு செயலியை முறைகேடாகப் பயன்படுத்தி, பிகாா் மாநிலம், பாட்னா பண்டாரக்கைச் சோ்ந்த ஜோகி மாத்தோ மகன் அா்ஜூன்குமாா் தனது வங்கிக் கணக்குக்கு ரூ.24.69 லட்சத்தை மாற்றம் செய்தது தெரியவந்தது. இதையடுத்து, அவரை போலீஸாா் கைது செய்து தேனிக்கு அழைத்து வந்தனா்.
