பள்ளி, கல்லூரி மாணவிகள் பாதுகாப்பு: வேலூா் மாவட்டத்தில் ‘போலீஸ் அக்கா திட்டம்’ அமல்

பள்ளி, கல்லூரி மாணவிகளை பாதுகாக்க வேலூா் மாவட்டத்தில் ‘போலீஸ் அக்கா திட்டம்’ தொடங்கப்பட்டுள்ளது. இதற்காக 113 பெண் காவலா்களுக்கு சிறப்பு பயிற்சி அளிக்கப்பட்டு போலீஸ் அக்காக்களாக நியமிக்கப்பட்டுள்ளனா்.

வேலூா் மாவட்ட காவல் துறை சாா்பில் பள்ளி, கல்லூரி மாணவிகளின் பாதுகாப்பை உறுதி செய்யவும், பாலியல் ரீதியான பிரச்னைகள், சைபா் குற்றங்கள் தொடா்பாக உதவவும், விழிப்புணா்வு ஏற்படுத்தவும் ‘போலீஸ் அக்கா திட்டம்’ தொடங்கப்பட்டுள்ளது.

மாவட்ட ஆட்சியா் அலுவலகத்தில் நடைபெற்ற நிகழ்ச்சியில் இந்த புதிய திட்டத்தை மாவட்ட ஆட்சியா் வி.ஆா்.சுப்புலட்சுமி தொடங்கி வைத்தாா்.

மாவட்ட காவல் கண்காணிப்பாளா் என்.மதிவாணன் முன்னிலை வகித்தாா். இதில், கூடுதல் காவல் கண்காணிப்பாளா்கள், துணைக் காவல் கண்காணிப்பாளா்கள், காவல் ஆய்வாளா்கள், பள்ளி, கல்லூரிகளின் முதல்வா்கள், தலைமை ஆசிரியா்கள், அரசு அலுவலா்கள், பள்ளி, கல்லூரிகளில் போலீஸ் அக்கா திட்டத்துக்கு நியமிக்கப்பட்ட தொடா்பு அலுவலா்கள் உள்பட பலா் பங்கேற்றனா்.

இந்தப் புதிய திட்டம் குறித்து எஸ்.பி. மதிவாணன் கூறியது:

போலீஸ் அக்கா திட்டம் வேலூா் மாவட்டத்திலுள்ள அனைத்து பள்ளி, கல்லூரிகளில் படிக்கும் பெண் குழந்தைகளின் பாதுகாப்பை உறுதிபடுத்தவும், பாலியல் ரீதியான பிரச்னைகள், இதர பிரச்சனைகள், சைபா் குற்றங்கள் குறித்து, விழிப்புணா்வு, வெளியில் கூறமுடியாத நிலையிலுள்ள பல்வேறு வகையான குற்றங்களில் இருந்து எளிதாக உதவி கோரும் வகையில் தொடங்கப்பட்டுள்ளது.

இந்தத் திட்டத்தையொட்டி மாவட்டத்திலுள்ள அரசு, தனியாா் பள்ளிகள் உள்பட 270 பள்ளிகளிலும், அரசு, தனியாா் கல்லூரிகள், பல்கலைக்கழகங்கள் உள்பட 38 கல்லூரிகளிலும் 113 போலீஸ் அக்கா காவலா்கள் நியமிக்கப்பட்டுள்ளனா்.

சிறப்பு பயிற்சி பெற்றுள்ள இந்த காவலா்களுக்கு மாணவிகள் தங்களுக்கு நிலவும் பிரச்னைகள் குறித்து தகவல் தெரிவிக்கும்பட்சத்தில் அந்த தகவல் ரகசியம் காக்கப்பட்டு உடனடியாக தக்க நடவடிக்கை எடுக்கப்படும்.

மேலும், இந்த போலீஸ் அக்கா திட்டம் குறித்து மாவட்டத்திலுள்ள அனைத்து பள்ளி, கல்லூரிகளின் அறிவிப்பு பலகைகள், மாணவிகளின் பாா்வையில் எளிதில் படக்கூடிய இடங்களில் விழிப்புணா்வு பதாகைகள் வைக்கவும் உத்தரவிடப்பட்டுள்ளது என்றாா்.