‘உலகில் செழித்தோங்கிய பண்பாடுகளுள் முதன்மையானது தமிழ்ப் பண்பாடு’
விழுப்புரத்தில் அரசு பள்ளியில்ஆறாம் வகுப்பு மாணவிகள் மூன்று பேருக்கு பாலியல் தொல்லை கொடுத்த இடைநிலை ஆசிரியா் போக்ஸோ சட்டத்தில் வெள்ளிக்கிழமை கைது செய்யப்பட்டாா். குற்றஞ்சாட்டப்பட்ட ஆசிரியரை பெற்றோா்கள் பள்ளிக்குள் சென்று சுற்றிவளைத்து தாக்கியதால் பரபரப்பு நிலவியது.
விழுப்புரம் நகரத்திலுள்ள அரசு மகளிா் மேல்நிலைப்பள்ளியில் 6-ஆம் வகுப்பு பயின்று வரும் மாணவிகள் மூவருக்கு ஆசிரியா் ஒருவா் பாலியல் ரீதியாக தொல்லை அளித்து வந்ததாகக் கூறப்படுகிறது. இதனால் பாதிக்கப்பட்ட மாணவிகள் மூவரும் பள்ளியின் தலைமையாசிரியையிடம் புதன்கிழமை புகாா் அளித்திருக்கிறாா்கள். இதைத் தொடா்ந்து அவா், ‘ சைல்டுலைன்’ அமைப்புக்குத் தகவல் அளித்து நடவடிக்கை எடுக்குமாறு கேட்டுக்கொண்டாா்.
இந்த புகாரின் பேரில் பள்ளிக்கு விரைந்து சென்ற சைல்டுலைன்அமைப்பினா், புகாா் தெரிவித்த மாணவிகள் மூவரிடமும் தனித்தனியே விசாரணை செய்து, நடந்த நிகழ்வுகள் குறித்துகேட்டறிந்தனா். மேலும் பள்ளியில் பணியாற்றி வரும் சகஆசிரியா், ஆசிரியைகளிடமும் விசாரணை நடத்தினா். இதில் ஆசிரியா் மீதான குற்றச்சாட்டுக்கு முகாந்திரம் இருப்பது தெரியவந்ததை அடுத்து அந்த அமைப்பினா் விழுப்புரம் அனைத்து மகளிா் காவல் நிலையத்துக்கு தகவல் தெரிவித்தனா். இதனடிப்படையில் மகளிா் காவல் நிலையத்தினா் விசாரணை நடத்தி வந்தனா்.
ஆசிரியா் மீது தாக்குதல்:
இந்த நிலையில் பாதிக்கப்பட்ட மாணவிகளின் பெற்றோா்கள், உறவினா்கள் வெள்ளிக்கிழமை காலை பள்ளியை முற்றுகையிட்டு, போராட்டத்தில் ஈடுபட்டனா். மேலும் பள்ளிக்குள் சென்று, பாலியல் புகாா் கூறப்பட்ட இடைநிலை ஆசிரியா் பால்வில்சனை (48) வெளியே அழைத்து வந்து தாக்கினா்.
மேலும் ஆசிரியா் பால்வில்சன் மீது போக்ஸோ சட்டத்தின் கீழ் வழக்குப்பதிவுசெய்ய வேண்டும் எனவும் கோரினா். இதைத் தொடா்ந்து விழுப்புரம் நகரக் காவல் நிலைய ஆய்வாளா் ரவிசங்கா் மற்றும் போலீஸாா் பள்ளிக்குச் சென்று, பெற்றோா்களிடம் பேச்சுவாா்த்தை நடத்தி, ஆசிரியா் மீது உரிய நடவடிக்கை எடுக்கப்படும் எனத் தெரிவித்தனா். தொடா்ந்து பால்வில்சனை அனைத்து மகளிா் காவல் நிலையத்தினரிடம் நகரக் காவல் நிலையத்தினா் ஒப்படைத்தனா்.இதையடுத்து ஆசிரியா் பால்வில்சன் மீது போக்சோ சட்டத்தின் கீழ் வழக்குப்பதிந்த விழுப்புரம் அனைத்து மகளிா் காவல் நிலையத்தினா், அவரைக் கைது செய்தனா்.
