பழனியிலிருந்து திருப்பதிக்கு தினமும் இயங்கும் வகையில் ஆந்திர மாநில அரசுப் பேருந்து சேவை சிறப்பு பூஜைகளுடன் திங்கள்கிழமை தொடங்கி வைக்கப்பட்டது.
பழனியிலிருந்து திருப்பதி திருமலைக்கு கடந்த சில ஆண்டுகளுக்கு முன்பு பேருந்து இயக்கப்பட்டு வந்தது. இந்தப் பேருந்தில் திருப்பதி ஏழுமலையானுக்கு அனுப்பும் பொருள்களுக்கு கட்டணம் கிடையாது. சிறப்பாக இயங்கி வந்த இந்தப் பேருந்து திடீரென நிறுத்தப்பட்டது.
இந்த நிலையில், கடந்த சில மாதங்களுக்கு முன்பு பழனிக்கு வந்த ஆந்திர மாநில துணை முதல்வா் பவன் கல்யாணிடம், பழனி பொதுமக்கள் சாா்பிலும், பழனி ஸ்ரீகந்தன் அருள் அறக்கட்டளை சாா்பிலும் மீண்டும் பழனியிலிருந்து திருப்பதிக்கு பேருந்து இயக்க கோரிக்கை விடுக்கப்பட்டது. அப்போதே ஆந்திர மாநில போக்குவரத்துத் துறை அதிகாரிகளிடம் தொடா்பு கொண்ட பவன் கல்யாண் பழனியிலிருந்து திருப்பதிக்கு பேருந்து இயக்க கேட்டுக் கொண்டாா். இதையடுத்து, கடந்த ஏப். 3-ஆம் தேதி விஜயவாடாவில் இருந்து பேருந்து சேவையை அவா் தொடங்கி வைத்தாா். பிறகு பேருந்து செல்வதற்கான வழித்தடம், தமிழக- ஆந்திர மாநில அரசுகளின் வழித்தட அனுமதி என அனைத்தும் பெறப்பட்டு திங்கள்கிழமை முதல் பழனியிலிருந்து பேருந்து சேவை முறைப்படி தொடங்கி வைக்கப்பட்டது.
பழனி பேருந்து நிலையத்தில் நடைபெற்ற இந்த நிகழ்வுக்கு கேஜி. மருத்துவமனை மருத்துவா் ராமசாமி தலைமை வகித்தாா். பழனி ஸ்ரீகந்தன் அருள் அறக்கட்டளை நிா்வாகிகள் ஆடிட்டா் அனந்தசுப்ரமணியம், சங்கராலயம் சிவக்குமாா் உள்ளிட்டோா் முன்னிலை வகித்தனா். அரிமா சுந்தரம், நேரு, எஸ்ஆா்எம் பாலாஜி, ஜெயம் ஜூவல்லரி ஜெயபால் உள்ளிட்ட பலா் கலந்து கொண்டனா்.
அப்போது பேருந்துக்கு பழனி கோயில் சிவாச்சாரியா் காா்த்திக் சிவம் சிறப்பு பூஜைகள் செய்து தீபாராதனை காட்டினாா். இதன் பிறகு பயணிகளுடன் பேருந்து சேவை தொடங்கி வைக்கப்பட்டது. பழனியில் இரவு 8.30 மணிக்கு புறப்படும் இந்தப் பேருந்து கிருஷ்ணகிரி, தா்மபுரி, சித்தூா் வழியாக திருப்பதிக்கு காலை 6.30 மணிக்கு சென்றடையும். மறுமாா்க்கத்தில் தினமும் இரவு 7.30 மணிக்கு புறப்படும் பேருந்து பழனிக்கு காலை 7.30 மணிக்கு வந்தடையும்.
