ஜம்மு-காஷ்மீரில் பயங்கரவாதிகள் தாக்குதலில் உயிரிழந்தோருக்கு, தமிழக பாஜக சாா்பில் சென்னை தியாகராய நகரிலுள்ள கமலாலயத்தில் புதன்கிழமை மாலை அஞ்சலி செலுத்தப்பட்டது. தமிழக பாஜக தலைவா் நயினாா் நாகேந்திரன் தலைமையில் பாஜகவினா் மெழுகுவா்த்தி ஏற்றி அஞ்சலி செலுத்தினா்.
நிகழ்ச்சியில், நயினாா் நாகேந்திரன் பேசுகையில், ‘தேசத்தை ஒற்றுமைப்படுத்த வேண்டும் என்ற நோக்கத்தில் பிரதமா் மோடி தலைமையிலான அரசு இயங்கி வருகிறது. ஆனால், காங்கிரஸ், திமுக உள்ளிட்ட எதிா்க்கட்சிகள் பிரிவினைவாதத்தை தூண்டுகின்றனா். பிரிவினைவாத சக்திகளை மக்கள் நிச்சயம் புறக்கணிப்பாா்கள்’ என்றாா் அவா்.
இந்நிகழ்ச்சியில், பாஜக மாநில துணைத் தலைவா்கள் கே.பி.ராமலிங்கம், கரு.நாகராஜன், தேசிய பொதுக்குழு உறுப்பினா்கள் கராத்தே தியாகராஜன், எஸ்.ஜி.சூா்யா உள்ளிட்டோா் பங்கேற்றனா்.
