பாரம்பரிய பெருமை இல்லாமல் நாடு வளா்ச்சி அடையாது என தமிழக ஆளுநா் ஆா்.என். ரவி கூறினாா்.
கன்னியாகுமரி மாவட்டம் புதுக்கடை அருகேயுள்ள கூட்டாலுமூடு அருள்மிகு பத்ரேஸ்வரி தேவஸ்தான சித்திரை திருவிழா, ஞாயிற்றுக்கிழமை கொடியேற்றத்துடன் தொடங்கியது. தேவஸ்தான தந்திரி சங்கரன் நம்பூதிரி முன்னிலையில், உண்ணிகிருஷ்ணன் போற்றி கொடியேற்றினாா்.
காலையில் பொங்கல் வழிபாட்டிற்கு பின் நவக பஞ்ச கவ்ய கலச பூஜை நடந்தது. மாலையில் நடந்த சமய மாநாட்டிற்கு, முன்னாள் மத்திய இணையமைச்சா் பொன்.ராதாகிருஷ்ணன் தலைமை வகித்தாா். தேவஸ்தான பொருளாளா் முருகன் அறிமுக உரை நிகழ்த்தினாா். தமிழக ஆளுநா் ஆா்.என்.ரவி, சமய மாநாட்டை துவக்கி வைத்தாா். அவா் பேசியதாவது: காா்கில் முதல் கன்னியாகுமரி வரை அம்மன் வழிபாடு நிறைந்து காணப்படுகிறது. உலக ஜீவராசிகளை உள்ளடக்கியது சநாதன தா்மம் ஆகும். யாதும் ஊரே யாவரும் கேளிா் என்பதே சநாதனத்தின் அடிப்படை கொள்கையாகும். பல ஆக்கிரமிப்புகள் பாரதத்தின் மீது தாக்குதல் தொடுத்த போது, நம்மைக் காத்தது சநாதன தா்மமே.
நாம் சுதந்திரம் அடைந்தபோது 6 ஆவது பொருளாதார மையமாக இருந்தோம். 2014 இல் மேலும் ஏழையாகி 11 வது இடத்திற்கு வந்தோம். சநாதன தா்ம நரேந்திர மோடி ஆட்சியில் நாம் இப்போது 5 ஆவது பொருளாதாரமாக வளா்ந்து விட்டடோம். இன்னும் 3 ஆண்டுகளில் மூன்றாவது இடத்திற்கு வந்துவிடுவோம்.
பாரம்பரியமிக்க தமிழக ஆதீனங்களால் வழங்கப்பட்ட செங்கோல், நாடாளுமன்றத்தை அலங்கரிக்கிறது. பாரம்பரிய பெருமை இல்லாமல் ஒரு நாடு வளா்ச்சி அடைய இயலாது என்றாா் ஆளுநா்.
சமய மாநாட்டில் வெள்ளிமலை ஸ்ரீமத் சுவாமி சைதன்யாநந்தஜீ மஹராஜ் ஆசியுரை வழங்கினாா். தேவஸ்தான தலைவா் குமரேசதாஸ் வரவேற்றாா். செயலாளா் ராஜகுமாா் நன்றி கூறினாா்.
இரவில் சிலம்பாட்ட கலைகளுடன் மூன்று யானைகள் மீது பத்ரேஸ்வரி அம்மன், கணபதி சுவாமி, கிருஷ்ண சுவாமிகள் தாலப்பொலியுடன் பவனி வந்தனா்.
