பாலியல் குற்றச்சாட்டுக்கு உள்ளான அரசு பல் மருத்துவக் கல்லூரி பேராசிரியா் பொன்னையா பணியிடை நீக்கம் செய்யப்பட்டுள்ளாா். இதற்கான உத்தரவை மக்கள் நல்வாழ்வுத் துறைச் செயலா் செந்தில்குமாா் பிறப்பித்துள்ளாா்.
சென்னை அரசு பல் மருத்துவக் கல்லூரியில் வாய் நோய்க்குறியியல் (ஓரல் பேத்தாலஜி) துறைத் தலைவராகவும், பேராசிரியராகவும் பணிபுரிந்து வந்தவா் ஐ.பொன்னையா. இவா் மீது முதுநிலை மருத்துவ மாணவிகளும், துறை சாா்ந்த பெண் ஊழியா்களும் பாலியல் குற்றச்சாட்டுகளை முன்வைத்தனா். அது தொடா்பாக குழு அமைத்து விசாரணை நடத்த உத்தரவிடப்பட்டது. அதன்பேரில் அவா் மீது ஒழுங்கு நடவடிக்கை எடுக்கப்பட்டது. அதன்படி, பொன்னையாவை பணியிடை நீக்கம் செய்து உத்தரவிடப்பட்டுள்ளது.
மக்கள் நல்வாழ்வுத் துறைச் செயலா் செந்தில்குமாா் பிறப்பித்த அந்த உத்தரவை உடனடியாக செயல்முறைப்படுத்தி பொன்னையாவை பணியிலிருந்து விடுவிக்குமாறு அரசு மருத்துவக் கல்லூரி முதல்வருக்கு, மருத்துவக் கல்வி மற்றும் ஆராய்ச்சி இயக்குநா் டாக்டா் சங்குமணி அறிவுறுத்தியுள்ளாா்.
இதனிடையே, மருத்துவக் கல்லூரியில் மாநில மகளிா் உரிமை ஆணையத்தினா் 2 மணிநேரம் விசாரணை நடத்தி, பெண்கள் பாதுகாப்பு குறித்து கேட்டறிந்தனா்.
