பாலியல் வன்முறைகளைத் தடுக்க தனிச்சட்டம் தேவை ஜனநாயக மாதா் சங்கம் வலியுறுத்தல்

தமிழகத்தில் பாலியல் வன்முறைகளைத் தடுக்க தனிச்சட்டம் இயற்ற வேண்டும் என்று அனைத்திந்திய ஜனநாயக மாதா் சங்கம் வலியுறுத்தியுள்ளது.

இந்த சங்கத்தின் 17-ஆவது மாவட்ட மாநாடு விழுப்புரத்தில் சனிக்கிழமை நடைபெற்றது. இந்த மாநாட்டுக்கு சங்க மாவட்டத் தலைவா் கே.தமிழ்ச்செல்வி தலைமை வகித்தாா். செஞ்சி வட்டத் தலைவா் எஸ்.சுசீலா அஞ்சலி தீா்மானங்களை வாசித்தாா். மாவட்டச் செயலா் டி. இலக்கியபாரதி வேலை அறிக்கையையும், பொருளாளா் எஸ்.சித்ரா வரவுசெலவு அறிக்கையையும் சமா்ப்பித்து பேசினா்.

அனைத்திந்திய ஜனநாயக மாதா் சங்கத்தின் மாநிலப் பொருளாளா் ஜி.பிரமிளா, மாவட்ட மாநாட்டைத் தொடங்கி வைத்து உரையாற்றினாா். இந்த மாநாட்டில் சங்கத்தின் மாநிலத் தலைவா் எஸ். வாலண்டினா, துணைச் செயலா் எஸ்.கீதா ஆகியோா் வாழ்த்துரை வழங்கிப் பேசினா். மாநிலச் செயற்குழு உறுப்பினா் இ.மோகனா மாநாட்டு நிறைவுரையாற்றினாா்.

மாவட்ட மாநாட்டில் நிறைவேற்றப்பட்ட தீா்மானங்கள்:

பெண்கள், பெண் குழந்தைகள் மீதான பாலியல் வன்முறைகள், குடும்ப வன்முறைகளைத் தடுக்கும் வகையில் தனிச் சட்டத்தை தமிழக அரசு உடனடியாக இயற்ற வேண்டும். பணியிடங்களில் பெண்களின் பாதுகாப்பை உறுதி செய்யும் விசாகா குழுவை அமைக்க வேண்டும். பள்ளி, கல்லூரிகளில் பாலின சமத்துவப் பாடத்திட்டத்தை அமல்படுத்த வேண்டும்.

அனைத்து ஊராட்சிகளிலும் மகாத்மா காந்தி தேசிய ஊரக வேலை உறுதியளிப்புத் திட்டத்தை அமல்படுத்தி, வேலை நாள்களை 200 நாள்களாக அதிகரிக்க வேண்டும். தினசரி கூலித் தொகையாக ரூ.600 வழங்க வேண்டும், மகளிா் சுய உதவிக் குழுவைச் சோ்ந்தவா்களுக்கு சுயதொழில் வாய்ப்பை ஏற்படுத்தித் தர வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

மாநாட்டு நிறைவில் மாவட்டத் தலைவராக கே.தமிழ்ச்செல்வி, மாவட்டச் செயலராக டி.இலக்கியபாரதி, பொருளாளராக பிரேமா உள்ளிட்ட 13 போ் கொண்ட குழுவினா் தோ்வு செய்யப்பட்டனா். முன்னதாக, விழுப்புரம் வட்டச் செயலா் கே.தமிழரசி வரவேற்றாா். நிறைவில், விழுப்புரம் வட்டத் தலைவா் எஸ்.நீலா நன்றி கூறினாா்.