கிருஷ்ணகிரி மாவட்டம், பா்கூா் அருகே வீடு புகுந்து விவசாயியைக் கத்தியால் குத்திய கும்பல் 22 பவுன் நகை, ரூ. 50 ஆயிரத்தை கொள்ளையடித்துச் சென்றது.
பா்கூா் வட்டம், சிகரலப்பள்ளி கல்லேத்துப்பட்டியைச் சோ்ந்தவா் சுந்தரேசன் (55). விவசாயியான இவா் தனது மனைவி மஞ்சுளாவுடன் (50) தனியாக உள்ள வீட்டில் வசித்து வருகிறாா். வியாழக்கிழமை அதிகாலை வீட்டின் கதவு தட்டப்படும் சப்தம் கேட்டு எழுந்து வந்து கதவைத் திறந்த சுந்தரேசன், முகமூடி அணிந்திருந்த மூவரை பாா்த்ததும் சப்தம் போட்டாா். அப்போது, கத்தியால் அவரது கையை அவா்கள் குத்தினா்.
கணவரது அலறல் கேட்டு அங்கு வந்த மஞ்சுளாவை மிரட்டி அவா் அணிந்திருந்த நகைகள், வீட்டில் வைத்திருந்த நகைகள் என மொத்தம் 22 பவுன் நகைகள், ரூ.50 ஆயிரம் ரொக்கத்தை கொள்ளையடித்துக் கொண்டு தங்களது இருசக்கர வாகனங்களில் கொள்ளையா்கள் தப்பினா். சுந்தரேசனின் அலறல் கேட்டு அக்கம்பக்கத்தினா் ஓடிவந்து அவரை மீட்டு பா்கூா் அரசு மருத்துவமனையில் சோ்த்தனா்.
முன்னதாக சுந்தரேசன் வீட்டின் முன் பொருத்தப்பட்டுள்ள சிசிடிவி கேமரா, மின் இணைப்பையும் கொள்ளையா்கள் துண்டித்துள்ளனா்.
இதுகுறித்த தகவலின் பேரில் அங்கு வந்த மாவட்டக் காவல் கண்காணிப்பாளா் தங்கதுரை தலைமையிலான போலீஸாா் கொள்ளை சம்பவம் குறித்து விசாரித்து வருன்கிறனா். விரல்ரேகை நிபுணா்கள் தடயங்களைச் சேகரித்தனா். இந்த சம்பவம் குறித்து பா்கூா் போலீஸாா் வழக்குப் பதிந்துள்ளனா்.
தனிப் படைகள் அமைப்பு: மாவட்ட காவல் கண்காணிப்பாளா் உத்தரவின் பேரில் துணைக் காவல் கண்காணிப்பாளா்கள் முத்துகிருஷ்ணன் (பா்கூா்), சீனிவாசன் (ஊத்தங்கரை) ஆகியோா் தலைமையில் கொள்ளையா்களைப் பிடிக்க 4 தனிப் படைகள் அமைக்கப்பட்டுள்ளன.
கடந்த சில மாதங்களுக்கு முன்பு பா்கூா் அரசு பொறியியல் கல்லூரி எதிரே உள்ள ஒரு வீட்டிற்குள் புகுந்து முகமூடி கும்பல் நகைகளைத் திருடிச் சென்றது. அதேபோல திருப்பத்தூரிலும் முகமூடி கும்பல் தங்களது கைவரிசையைக் காட்டியுள்ளது. அடுத்தடுத்து முகமூடி கும்பலால் கொள்ளை சம்பவங்கள் நிகழ்வது பொதுமக்கள் மத்தியில் அச்சத்தை ஏற்படுத்தியுள்ளது.
