பிபிஎஃப் கணக்குகளில் வாரிசுகள் பெயா் பரிந்துரைக்கு கட்டணம் கிடையாது: நிதியமைச்சா் தகவல்

நமது சிறப்பு நிருபா்

பொது வருங்கால வைப்பு நிதி (பிபிஎஃப்) கணக்குகளில் உறுப்பினா்கள் தங்கள் வாரிசுகள் பெயா்கள் புதுப்பிப்பதற்கோ அல்லது சோ்ப்பதற்கோ எந்தக் கட்டணமும் நிதி நிறுவனங்கள் வசூலிக்கப்படாது என மத்திய நிதியமைச்சா் நிா்மலா சீதாராமன் வியாழக்கிழமை தெரிவித்தாா். இது குறித்த அரசிதழ் அறிவிக்கையும் ஏப். 2 ஆம் தேதி வெளியிடப்பட்டுள்ளதாகவும் தெரிவித்தாா்.

மத்திய நிதியமைச்சா் நிா்மலா சீதாராமன் இது குறித்து தனது ’எக்ஸ்‘ வலைப்பதிவில் தெரிவித்திருப்பது வருமாறு: பிபிஎஃப் கணக்குகளில் வாரிசுகள் பரிந்துரைக்கும் விவரங்கள் புதுப்பித்தலை மாற்றியமைப்பதற்கு நிதி நிறுவனங்களால் கட்டணம் வசூலிக்கப்படுவதாகத் தெரிவிக்கப்பட்டது. தற்போது பிபிஎஃப் கணக்குகளில் தங்களால் நியமனம் செய்யப்படும் பெயா்களில் பரிந்துரைக்கும் போதும் புதுப்பிப்பதற்கும் உள்ள கட்டணங்களை நீக்க மத்திய நிதியமைச்சகம் கடந்த ஏப்.2 அறிவிக்கையை அரசிதழில் வெளியிட்டுள்ளது. இதற்கு அரசின் சேமிப்பு ஊக்குவிப்பு பொது விதிகள் 2018 இல் தேவையான திருத்தங்கள் மேற்கொள்ளப்பட்டு இந்த கட்டணங்கள் நீக்கப்பட்டுள்ளது என நிதியமைச்சா் தெரிவித்துள்ளாா்.

மேலும், சமீபத்தில் நிறைவேற்றப்பட்ட வங்கி திருத்த மசோதா 2025, வைப்புத்தொகையாளா்களின் பணம், பாதுகாப்பிற்காக லாக்கா்களில் வைக்கப்படும் பொருள்கள் போன்றவற்றிலும் வங்கி வாடிக்கையாளா்கள் 4 நபா்களை வாரிசுதாரா்களாக நியமிக்கவோ, பெயா்களை குறிப்பிடவோ பரிந்துரைக்கவும் அனுமதிக்கப்பட்டுள்ளது. இதே மசோதாவில் வங்கி சேமிப்புகளில் ஒரு நபருக்கான அதிகபட்ச வட்டியும் ரூ.5 லட்சத்திலிருந்து ரூ. 2 கோடியாக உயா்த்தப்பட்டுள்ளது என்று நிதியமைச்சா்அந்தப் பதிவில் குறிப்பிட்டுள்ளாா்.