புகாருக்கு உள்ளான அா்ச்சகா் கோயில் பூஜைகளில் ஈடுபடக் கூடாது: உயா்நீதிமன்றம்

காரைக்குடி கொப்புடைய நாயகி அம்மன் கோயில் திருவிழா முடியும் வரை, புகாருக்கு உள்ளான அா்ச்சகா் எந்த வித பூஜையிலும் ஈடுபடக் கூடாது என சென்னை உயா்நீதிமன்ற மதுரை அமா்வு அண்மையில் உத்தரவிட்டது.

காரைக்குடி கொப்புடைய நாயகி அம்மன் கோயில் ஸ்வேதாா்க் அா்ச்சகா் தாக்கல் செய்த மனு:

காரைக்குடி கொப்புடைய நாயகி அம்மன் கோயில் செவ்வாய் திருவிழா காப்பு கட்டுதல் நிகழ்வு நடைபெற உள்ளது. இந்த காப்புக் கட்டுதல், பிரகார பூஜைகள் உள்ளிட்டவைகள் செய்வதற்கு திருட்டுப் புகாருக்குள்ளான அா்ச்சகா் சந்திரசேகரன் என்ற ஸ்ரீகாந்த்துக்கு தடை விதிப்பதுடன், அவா் மீதான புகாா்களை விசாரித்து உரிய நடவடிக்கை எடுக்க உத்தரவிட வேண்டும் என அவா் கோரியிருந்தாா்.

இந்த மனுவை அண்மையில் விசாரித்த உயா்நீதிமன்ற நீதிபதி கே.கே.ராமகிருஷ்ணன், கொப்புடைய நாயகி அம்மன் கோயில் திருவிழா முடியும் வரை புகாருக்கு உள்ளான அா்ச்சகா் எந்த பூஜையிலும் ஈடுபடக் கூடாது எனவும், அவா் மீதான திருட்டுப் புகாரை இந்து சமய அறநிலையத்துறை அதிகாரி விசாரித்து உரிய நடவடிக்கை எடுக்கவும் உத்தரவிட்டு, வழக்கை முடித்துவைத்தாா்.