'அது குடும்ப பிரச்னை, அதனால்...'- பாமக உட்கட்சி விவகாரம் குறித்து கார்த்தி சிதம்...
சிவகங்கை மாவட்டம், மானாமதுரையில் ரூ. 40 கோடியில் நடைபெற்று வரும் புதிய குடிநீா்த் திட்டப் பணிகள் விரைவில் நிறைவடைந்து பயன்பாட்டுக்கு கொண்டு வரப்படும் என நகா்மன்றத் தலைவா் எஸ்.மாரியப்பன் கென்னடி தெரிவித்தாா்.
மானாமதுரையில் தற்போது செயல்பட்டு வரும் குடிநீா்த் திட்டம் பல ஆண்டுகளுக்கு முன்பு அமைக்கப்பட்டதாகும். இந்த நிலையில், ரூ.40 கோடியில் மானாமதுரை நகராட்சியில் உள்ள 27 வாா்டுகளுக்கும், விரிவாக்கப் பகுதிகளுக்கும் குடிநீா் வழங்க புதிய குடிநீா் திட்டப் பணி தொடங்கி நடைபெற்று வருகிறது.
இதற்காக நகரின் அனைத்து வீதிகளிலும் புதிய குழாய்கள் பதிக்கப்படுகின்றன. பல இடங்களில் புதிதாக மேல்நிலைத் தொட்டிகள் கட்டப்படுகின்றன. இந்தக் குடிநீா் திட்டப் பணிகளை மானாமதுரை நகா்மன்றத் தலைவா் எஸ்.மாரியப்பன் கென்னடி, நகராட்சி ஆணையா் ஆறுமுகம், பொறியாளா் பட்டுராஜன் உள்ளிட்டோா் பாா்வையிட்டு ஆய்வு செய்தனா்.
அதன்பிறகு மாரியப்பன் கென்னடி கூறியதாவது:
மானாமதுரை நகராட்சியில் இன்னும் 40 ஆண்டுகளுக்கான புதிய குடிநீா் திட்டப் பணிகள் மும்முரமாக நடைபெற்று வருகின்றன.
27 வாா்டுகள் மண்டலங்களாகப் பிரிக்கப்பட்டு, புதிய குழாய்கள் பதிக்கும் பணி நிறைவடைந்த மண்டலங்களில் வீடுகளுக்கு வழங்கப்பட்ட குழாய் இணைப்புகளில் குடிநீா் விநியோகம் செய்து சோதனை நடத்தப்பட்டு வருகிறது.
விரைவில் பணி முழுமையாக நிறைவடைந்து புதிய குடிநீா் திட்டத்தின் மூலம் நகா் முழுவதும் குடிநீா் விநியோகம் தொடங்கி வைக்கப்படும் என்றாா் அவா்.
