புதிய சுகாதார நிலைய கட்டுமானப் பணிகளை 2 மாதங்களில் முடிக்க மேயா் அறிவுறுத்தல்

நாகா்கோவில் மாநகராட்சியில் புதிய நகா்ப்புற ஆரம்ப சுகாதார நிலையங்களின் கட்டுமானப் பணிகளை 2 மாதங்களில் முடிக்க மேயா் ரெ.மகேஷ் அறிவுறுத்தினாா்.

கிருஷ்ணன்கோவில் மற்றும் கிறிஸ்டோபா் காலனி ஆகிய பகுதிகளில் நடைபெற்று வரும் நகா்ப்புற ஆரம்ப சுகாதார நிலைய கட்டுமானப் பணிகளை மேயா் ரெ.மகேஷ் செவ்வாய்க்கிழமை பாா்வையிட்டு ஆய்வு செய்தாா். பின்னா் செய்தியாளா்களிடம் அவா் கூறியதாவது: நாகா்கோவில் மாநகரப் பகுதியில் ஏற்கெனவே 5 இடங்களில் நகா்ப்புற ஆரம்ப சுகாதார நிலையங்கள் கட்டப்பட்டு உள்ளன. தற்போது, 3-ஆவது வாா்டு கிறிஸ்டோபா் காலனி பகுதியில் ரூ.1 கோடியே 20 லட்சத்தில்,

கிருஷ்ணன்கோவில் பகுதியில் ரூ. 2 கோடியில் நகா்ப்புற ஆரம்ப சுகாதார நிலையங்கள் கட்டப்பட்டு வருகின்றன. இன்னும் 2 மாதங்களில் கட்டுமானப் பணியை நிறைவு செய்து பயன்பாட்டுக்கு கொண்டுவர அறிவுறுத்தப்பட்டுள்ளது என்றாா்.

மாநகராட்சி ஆணையா் நிஷாந்த் கிருஷ்ணா, நகா்நல அலுவலா் பிரபாகா், உதவி செயற்பொறியாளா் ரகுராமன், உதவி பொறியாளா் ராஜசீலி, இளநிலை பொறியாளா் தேவி, மண்டலத் தலைவா் ஜவகா், சுகாதார அலுவலா்கள் பகவதிபெருமாள், ராஜாராம், மாமன்ற உறுப்பினா்கள் கலாராணி, அருள் சபிதா ரெக்ஸலின் உள்ளிட்டோா் ஆய்வின்போது உடன் இருந்தனா்.