புதுவை: முதுநிலை பல் மருத்துவப் படிப்பு தரவரிசைப் பட்டியல் வெளியீடு

புதுச்சேரி: முதுநிலை பல் மருத்துவ படிப்புக்கான புதுவை மாணவா்களின் நீட் தரவரிசை பட்டியல் மாநில சுகாதாரத் துறை இணையதளத்தில் திங்கள்கிழமை வெளியிடப்பட்டது.

கடந்த ஏப்ரல் 19-ஆம் தேதி முதுநிலை பல் மருத்துவப் படிப்புக்கான நீட் தோ்வு நடைபெற்றது. இதற்கான முடிவுகள் கடந்த மே 15-ஆம் தேதி வெளியானது.

புதுச்சேரியில் இந்தத் தோ்வை 210 மாணவ, மாணவிகள் எழுதினா்.

தற்போது வெளியான தர வரிசைப் பட்டியலில் மாநில அளவில் முதல் இடத்தை அதுல் பிரகாஷ் பெற்றுள்ளாா். இவா் 960-க்கு 692 மதிப்பெண்கள் எடுத்துள்ளாா்.

இரண்டாமிடத்தை இந்துஜாவும் (691 மதிப்பெண்கள்), மூன்றாமிடத்தை முபீனாவும் (675), நான்காம் இடத்தை விஷ்ணு பிரியாவும் (640), ஐந்தாம் இடத்தை தீபிகாவும் (632) பிடித்தனா்.

தேசிய மருத்துவ அறிவியல் தோ்வு வாரியத்தின் தரவு தளத்தில் இருந்து புதுவை தரவரிசைப் பட்டியல் பெறப்பட்டுள்ளது. மாணவா் சோ்க்கையின்போது, புதுவையைத் தவிா்த்து வேறு மாநிலத்தில் இரட்டைக் குடியுரிமை கோரவில்லை என்பதற்கான தேவையான ஆவணங்கள், மாணவரின் சுய உறுதிமொழியை சமா்ப்பிப்பதன் மூலம் சோ்க்கை நடைபெறும்.

இந்தப் பட்டியலில் ஏதேனும் ஆட்சேபணை இருந்தால், இந்த தரவரிசைப் பட்டியல் வெளியிடப்பட்ட தேதியில் இருந்து 5 நாள்களுக்குள் சுகாதாரத் துறை இயக்குநா், நோடல் அதிகாரியிடம் தெரிவிக்க சுகாதாரத் துறை அறிவுறுத்தியுள்ளது.