புயலால் பாதிக்கப்பட்ட பகுதிகளில் சீரமைப்புப் பணிகளை விரைந்து மேற்கொள்ள வேண்டும்: துரை. ரவிக்குமாா் எம்.பி.

விழுப்புரம்: மாவட்டத்தில் ஃபென்ஜால் புயல் மற்றும் பெருவெள்ளத்தால் பாதிக்கப்பட்ட பகுதிகளில் சீரமைப்புப் பணிகளை விரைந்து மேற்கொள்ள வேண்டும் என்று மாவட்ட வளா்ச்சிக்கான ஒருங்கிணைப்பு மற்றும் கண்காணிப்புக் குழு தலைவரும், எம்.பி.யுமான துரை.ரவிக்குமாா் அறிவுறுத்தினாா்.

விழுப்புரம் மாவட்ட ஊரக வளா்ச்சி முகமைத் திட்டக் கூட்டரங்கில் திங்கள்கிழமை மாலை நடைபெற்ற மாவட்ட வளா்ச்சிக்கான ஒருங்கிணைப்பு மற்றும் கண்காணிப்புக் குழுக் கூட்டத்துக்குத் தலைமை வகித்து,

மத்திய, மாநில அரசுகள் மூலம் மாவட்டத்தில் செயல்படுத்தப்பட்டு வரும் திட்டங்கள், அதன் தற்போதைய நிலை குறித்து கேட்டறிந்தாா். இதைத் தொடா்ந்து அவா் பேசியது:

தேசிய நெடுஞ்சாலைகள்ஆணையம் மூலம் மேற்கொள்ளப்பட்டுவரும் நெடுஞ்சாலைப் பணிகளை விரைந்து முடித்து, பொதுமக்கள் பயன்பாட்டுக்கு கொண்டு வர வேண்டும். மணல் மற்றும் கல்குவாரிகள் முறையாக அனுமதி பெற்று இயங்குவதை உறுதி செய்து கொள்ள வேண்டும். உணவுப் பாதுகாப்பு அலுவலா்கள்,

அனைத்துக் கடைகளிலும் தரமற்ற பொருள்கள் விற்பனை செய்வதை தடுத்திடும் விதமாக, அவ்வப்போது ஆய்வு செய்ய வேண்டும்.

ஃபென்ஜால் புயல் மற்றும் பெருவெள்ளத்தால் பாதிப்பு ஏற்பட்ட பகுதிகளில் சீரமைப்புப் பணிகளை விரைந்து மேற்கொள்ள வேண்டும்.கிராமப்புறங்களில் சேதமடைந்த சாலை, பாலம்உள்ளிட்டவைகளை சீரமைத்து,

பொதுமக்களின்பயன்பாட்டுக்கு கொண்டு வர வேண்டும். ஒன்றியக்குழுத் தலைவா்கள், ஊராட்சித் தலைவா்கள் தங்கள்பகுதிகளில் வளா்ச்சித் திட்டப்பணிகள் முடிவுற்றாலும், கண்காணித்து தொடா்ந்து பொதுமக்கள் பயன்பாட்டுக்கு கொண்டு செல்வதை உறுதி செய்ய வேண்டும் என்றாா்.

கூட்டத்துக்கு ஆட்சியா் சி.பழனி, எம்.எல்.ஏ.க்கள் செஞ்சி கே.எஸ்.மஸ்தான், ச.சிவக்குமாா், ஏ.ஜெ.மணிக்கண்ணன் முன்னிலை வகித்தனா். மாவட்ட ஊராட்சிக்குழுத் தலைவா் ம.ஜெயச்சந்திரன், ஊரக வளா்ச்சி முகமைத் திட்டக் கூடுதல் ஆட்சியா் ஸ்ருதஞ் ஜெய் நாராயணன், திண்டிவனம் சாா் ஆட்சியா் திவ்யான்ஷி நிகம், மகளிா் திட்ட இயக்குநா் சி.சுதா உள்ளிட்டோா் பங்கேற்றனா்.