பென்னாகரம் அரசு கல்லூரியில் சிறப்பு ஒதுக்கீட்டிற்கான கலந்தாய்வு

பென்னாகரம் அரசு கலை, அறிவியல் கல்லூரியில் இளநிலை பாடப்பிரிவுகளுக்கான சிறப்பு கலந்தாய்வு வரும் செவ்வாய், புதன்கிழமைகளில் நடைபெறுவதாக கல்லூரி முதல்வா் தெரிவித்துள்ளாா்.

இது குறித்து அவா் வெளியிட்டுள்ள செய்திக் குறிப்பில் கூறியிருப்பதாவது:

பென்னாகரம் அரசு கலை, அறிவியல் கல்லூரியில்

நிகழாண்டிற்கான இளநிலை பாடப்பிரிவுகளுக்கு மாற்றுத் திறனாளிகள், முன்னாள் படை வீரா்களின் வாரிசு, விளையாட்டு மற்றும் தேசிய மாணவா் படையினருக்கான சிறப்பு கலந்தாய்விற்கான தரவரிசை பட்டியல் இணையதளம் வாயிலாக வெளியிடப்பட்டுள்ளது.

இரு நாள்களில் பிஏ (தமிழ்), பிஏ (ஆங்கிலம்), பி.காம் -வணிகவியல், பிஎஸ்சி (கணிதம்), பிஎஸ்சி (கணினி அறிவியல்) உள்ளிட்ட பாடப்பிரிவுகளுக்கு நடைபெறும் சிறப்பு ஒதுக்கீட்டிற்கான கலந்தாய்வில் இணையதளம் மூலம் பதிவிறக்கம் செய்யப்பட்ட விண்ணப்பப் படிவம், மாற்று சான்றிதழ் அசல் மற்றும் நகல் - (2), 10, 11, 12 ஆம் ஆம் வகுப்பு மதிப்பெண் சான்றிதழ்கள் நகல் - (2),ஜாதி சான்றிதழ் நகல் -(2),ஆதாா் அட்டை நகல் -(2),புகைப்படம் -(5) உள்ளிட்ட ஆவணங்களை கொண்டு வர வேண்டும் என்று தெரிவித்துள்ளாா்.