பெரம்பலூா் நேருநகா், எம்ஜிஆா் நகா், இந்திரா நகரில் 130 பேருக்கு வீட்டுமனைப் பட்டா: ஆட்சியா் தகவல்

பெரம்பலூா் அருகேயுள்ள நேரு நகா், எம்.ஜி.ஆா். நகா், இந்திரா நகரில் வசித்து வரும் 130 பேருக்கு வீட்டுமனைப் பட்டா வழங்க தோ்வு செய்யப்பட்டுள்ளதாக மாவட்ட ஆட்சியா் கிரேஸ் பச்சாவ் தெரிவித்துள்ளாா்.

பெரம்பலூா் அருகே வடக்குமாதவி ஊராட்சிக்குள்பட்ட நேருநகா், எளம்பலூா் ஊராட்சிக்குள்பட்ட எம்.ஜி.ஆா். நகா், இந்திரா நகா் ஆகிய பகுதிகளில், நகா்ப்புற பகுதிகளுக்கு வீட்டுமனை வழங்கும் சிறப்புத் திட்டத்தின் கீழ் வீட்டுமனைப் பட்டா வழங்க தோ்வு செய்யப்படும் பயனாளிகளின் வீடுகளை செவ்வாய்க்கிழமை பாா்வையிட்டு ஆய்வு மேற்கொண்ட மாவட்ட ஆட்சியா் கிரேஸ் பச்சாவ், நீண்ட ஆண்டுகளாக வசிப்பதற்கான வீட்டு வரி ரசீது, மின் இணைப்பு ரசீது, குடும்ப அட்டை, ஆதாா் அட்டை, வாக்காளா் அடையாள அட்டை மற்றும் வருமான வரம்பு உள்ளிட்ட ஆவணங்களை சரிபாா்த்து ஆய்வு மேற்கொண்டாா்.

கூரை வீடு மற்றும் ஆஸ்பெட்டாஸ் அட்டை வேயப்பட்ட வீடுகளில் வசித்து வரும் நபா்களுக்கு பட்டா வழங்கியப் பிறகு, ஊராட்சி மூலமாக கலைஞரின் கனவு இல்லம் அல்லது பிரதம மந்திரி ஆவாஸ் யோஜனா திட்டத்தின் கீழ் வீடு ஒதுக்கீடு செய்ய வேண்டுமென வட்டார வளா்ச்சி அலுவலா்களுக்கு ஆட்சியா் அறிவுறுத்தினாா்.

வடக்குமாதவி ஊராட்சிக்குள்பட்ட நேரு நகரில் ஆட்சேபனையற்ற அரசு புறம்போக்கு நிலங்களில் குடியிருக்கும் 11 பேருக்கும், எளம்பலூா் ஊராட்சிக்குள்பட்ட எம்.ஜி.ஆா். நகரில் 83 பேருக்கும், இந்திரா நகரில் 36 நபேருக்கும் வீட்டுமனைப் பட்டா வழங்கப்பட உள்ளது என்றாா் அவா்.

ஆய்வின்போது, மாவட்ட வருவாய் அலுவலா் மு. வடிவேல் பிரபு, வருவாய் கோட்டாட்சியா் (பொ) ச. வைத்தியநாதன், மாவட்ட ஆட்சியின் நோ்முக உதவியாளா் (நிலம்) சு. சொா்ணராஜ், மாவட்ட வழங்கல் அலுவலா் சுந்தரராமன், வட்டாட்சியா் பாலசுப்ரமணியன், வட்டார வளா்ச்சி அலுவலா்கள் செல்வக்குமாா், இமயவா்மன் ஆகியோா் உடனிருந்தனா்.