மணிப்பூர் காவல் துறையினர் தேடுதல் வேட்டை: ஆயுதங்கள், வெடிமருந்துகள் பறிமுதல்
பெரம்பலூா் மாவட்டத்தில் செயல்படுத்தப்படும் பல்வேறு வளா்ச்சித் திட்டப் பணிகளை, பெரம்பலூா் மாவட்டக் கண்காணிப்பு அலுவலரும், மாற்றுத்திறனாளிகள் நலத்துறை இயக்குநருமான எம்.லக்ஷ்மி, சனிக்கிழமை பாா்வையிட்டு ஆய்வு மேற்கொண்டாா்.
பெரம்பலூா் மாவட்டம், குன்னம் வட்டத்தில் நீா்வளத்துறை சாா்பில், ஆய்க்குடி ஏரியில் ரூ. 15 லட்சம் மதிப்பீட்டில் வடிகால் வாய்க்கால், துங்கபுரம் ஊராட்சியில் உள்ள ஆணைவாரி ஓடையில் ரூ. 29 லட்சம் மதிப்பீட்டிலும், கீழப் பெரம்பலூா் கிராமத்தில் ரூ. 14 லட்சம் மதிப்பீட்டில் நரி ஓடையில் தூா்வாரும் பணி களை பாா்வையிட்ட மாவட்டக் கண்காணிப்பு அலுவலா் லஷ்மி, முள் புதா்களை அகற்றி, கரைகளை வலுப்படுத்தி மழைக்காலம் தொடங்கும் முன் பணிகளை முடிக்கவும், திட்ட மதிப்பீட்டில் உள்ளவாறு பணிகளை மேற்கொள்ளவும் நீா்வளத்துறை அலுவலா்களுக்கு அறிவுறுத்தினாா்.
தொடா்ந்து, பல்வேறு அரசுத் துறைகள் சாா்பில் செயல்படுத்தப்படும் திட்டப் பணிகளின் முன்னேற்றம் குறித்து, அனைத்துத்துறை அலுவலா்களுடனான ஆய்வுக்கூட்டம், மாவட்ட ஆட்சியரக கூட்டரங்கில் நடைபெற்றது. இக் கூட்டத்தில், பல்வேறு அரசுத் துறைகளின் கீழ் மேற்கொள்ளப்பட்டு வரும் வளா்ச்சித் திட்டப் பணிகள் குறித்து ஆய்வு மேற்கொண்டாா்.
இந்நிகழ்ச்சிகளில், மாவட்ட ஆட்சியா் கிரேஸ் பச்சாவ், மாவட்ட வருவாய் அலுவலா் மு. வடிவேல் பிரபு, வேளாண்மை இணை இயக்குநா் பாபு, கூட்டுறவுச் சங்கங்களின் இணைப்பதிவாளா் பாண்டியன், கோட்டாட்சியா் (பொ) ச. வைத்தியநாதன் உள்ளிட்ட பலா் கலந்துகொண்டனா்.
