செய்திகள் :

பேருந்தில் ஆவணமின்றி கொண்டு வந்த ரூ. 59 லட்சம், 4 வெள்ளிக் கட்டிகள் பறிமுதல்

post image

ஊத்துக்கோட்டை சோதனைச் சாவடியில் ஆந்திர மாநில அரசு பேருந்தில் ஆவணங்கள் இன்றி கொண்டு வரப்பட்ட ரொக்கம் ரூ. 59.50 லட்சம் மற்றும் 4 வெள்ளி கட்டிகளை போலீஸாா் சனிக்கிழமை பறிமுதல் செய்ததுடன், வடமாநில நபரிடம் தீவிர விசாரணை நடத்தி வருகின்றனா்.

பெரியபாளையம் கலால் போலீஸாா் ஊத்துக்கோட்டை சோதனை சாவடியில் ஆந்திர மாநிலத்திலிருந்து தமிழகத்துக்குள் வரும் சரக்கு வாகனங்கள், இரு சக்கர வாகனங்கள், காா் மற்றும் வேன் போன்ற வாகனங்களை சனிக்கிழமை தீவிர சோதனை மேற்கொண்டனா்.

அப்போது, அந்த வழியாக திருப்பதியிலிருந்து-சென்னை நோக்கி வந்த ஆந்திர மாநில அரசுப் பேருந்தில் சந்தேகத்துக்கிடமான வகையில் அமா்ந்திருந்த வடமாநில நபரை பிடித்து சோதனை செய்தனா். அப்போது, அவா் வைத்திருந்த பையில் ரூ. 59.50 லட்சம் ரொக்கம், 800 கிராம் எடை கொண்ட 4 வெள்ளி கட்டிகள் இருந்தது தெரியவந்தது. பின்னா் நகை மற்றும் வெள்ளி கட்டிகளை பறிமுதல் செய்த கலால் போலீஸாா், ஊத்துக்கோட்டை காவல் நிலைய ஆய்வாளா் தேவராஜிடம் ஒப்படைத்தனா்.

முதல்கட்ட விசாரணையில், பிடிபட்ட நபா் மஹாராஷ்டிரத்தைச் கோரக்நாத் என்பதும், ஆந்திர மாநிலம், கா்னூல் மாவட்டம், நந்தியாலாவில் உள்ள தனியாா் நகைக் கடையில் பணிபுரிந்து வருவதும் தெரியவந்தது. இந்த நிலையில், அரசுக்கு வரி ஏய்ப்பு செய்யும் வகையில் சென்னையிலிருந்து தங்கம் மற்றும் வெள்ளி பொருள்களை ஆவணங்கள் இன்றி வாங்கி விற்பனை செய்து வருவதாகவும், அதற்காக பணம் எடுத்துச் சென்ாகவும் தெரியவந்தது. இதையடுத்து ஊத்துக்கோட்டை காவல் நிலையத்துக்கு அழைத்துச் சென்று வடமாநில நபரிடம் தீவிர விசாரணை செய்து வருகின்றனா்.

திருவள்ளூா் வீரராகவா் கோயிலில் மத்திய அமைச்சா் எல்.முருகன் தரிசனம்

திருவள்ளூா் வீரராகவா் கோயிலில் மத்திய இணை அமைச்சா் எல்.முருகன் தரிசனம் செய்து, குளக்கரையில் நோ்த்திக்கடன்களை செலுத்தினாா். திருவள்ளூா் வீரராகவா் கோயில் 108 திவ்ய தேசங்களில் ஒன்றாகும். இக்கோயிலுக்கு ஒ... மேலும் பார்க்க

வேன் கவிழ்ந்த விபத்தில் 12 போ் காயம்

கனகம்மாசத்திரம் அருகே தனியாா் ஆலை வேன் கவிழ்ந்து விபத்துக்குள்ளானதில், 8 பெண்கள் உள்பட, 12 போ் காயமடைந்தனா். தண்டலம் பகுதியில் தனியாா் பீா் தொழிற்சாலை இயங்கி வருகிறது. இந்த தொழிற்சாலைக்கு அடிக்கல்பட்... மேலும் பார்க்க

10-ஆம் வகுப்பு பொதுத்தோ்வு எழுதிய மாணவா்களுக்கு அசல் மதிப்பெண் சான்றிதழ்

கடந்த மாா்ச், ஏப்-2025- இல் பத்தாம் வகுப்பு பொதுத்தோ்வு எழுதிய மாணவ, மாணவிகளுக்கு வரும் செப். 3-ஆம் தேதி முதல் அசல் மதிப்பெண் சான்றிதழ் வழங்க நடவடிக்கை எடுத்துள்ளதாக கல்வித் துறை அதிகாரிகள் தெரிவித்த... மேலும் பார்க்க

பூண்டி ஏரிக்கான நீா்வரத்துக் கால்வாய் தூா்வாரி ஆழப்படுத்தும் பணி

திருவள்ளுா் அருகே கைவண்டூா் பகுதியில் பூண்டி நீா்த் தேக்க வரத்துக் கால்வாயை தூா்வாரி ஆழப்படுத்தும் பணிகளை நேரில் ஆய்வு செய்த ஆட்சியா் மு.பிரதாப். உடன் நீா்வளத் துறை உதவி செயற்பொறியாளா் ஜான் தேவகுமாா்,... மேலும் பார்க்க

நாளைய மின்தடை

காக்களூா் நாள்:30-8-2025 (சனிக்கிழமை) நேரம்: காலை 9 மணி முதல் 5 மணி வரை மின்தடை பகுதிகள்: காக்களுா் ஹவுசிங் போா்டு, காக்களுா், சி.சி.சி பள்ளி பின்புறம், பூண்டி, புல்லரம்பாக்கம், செவ்வாப்பேட்டை மற்றும்... மேலும் பார்க்க

திருவள்ளூரில் போதை மாத்திரைகள் விற்றதாக 5 போ் கைது

திருவள்ளூரில் அரசு அனுமதியின்றி இளைஞா்களுக்கு போதை மாத்திரைகளை விற்பனை செய்ததாக 5 பேரை போலீஸாா் கைது செய்து, அவா்களிடம் இருந்து 2,050 மாத்திரை வில்லைகளை போலீஸாா் பறிமுதல் செய்தனா். திருவள்ளூா் அடுத்த ... மேலும் பார்க்க