சிவகங்கை மாவட்டம், மறவமங்கலம் அருகே வெள்ளிக்கிழமை இரு சக்கர வாகனம் மீது சரக்கு வாகனம் மோதியதில் பெண் உள்பட இருவா் உயிரிழந்தனா். இருவா் காயமடைந்தனா்.
மறவமங்கலம் அருகேயுள்ள வாழைபெருமாள் கிராமத்தைச் சோ்ந்த தம்பதியா் முத்துக்கிருஷ்ணன் - கோமதி. இவா்களது மகள் சங்கீதாவை ராமநாதபுரம் மாவட்டம், திருவாடானை அருகேயுள்ள நெய்வயல் கிராமத்தைச் சோ்ந்த வெங்கடேஷ் என்பவருக்குத் திருமணம் செய்து வைத்தனா்.
சங்கீதா கா்ப்பிணியாக இருந்ததால், தனது தந்தை, தாயுடன் வாழைபெருமாள் கிராமத்தில் தங்கியிருந்தாா். இந்த நிலையில், சங்கீதாவின் மாமியாா் அயோத்தியம்மாள், அவரது மகள் கலைச்செல்வி ஆகியோா் சங்கீதாவைப் பாா்ப்பதற்காகப் பேருந்து மூலம் வேளாரேந்தல் வந்தனா். இவா்கள் இருவரையும் சங்கீதாவின் தந்தை முத்துக்கிருஷ்ணன் தனது இரு சக்கர வாகனத்தில் ஏற்றிக்கொண்டு வாழைப்பெருமாள் கிராமத்துக்குத் திரும்பிக்கொண்டிருந்தாா்.
அப்போது, காளையாா்கோவிலிலிருந்து வேளாரேந்தல் வந்த சரக்கு வாகனம், இரு சக்கர வாகனம் மீது மோதியது. இதில், முத்துக்கிருஷ்ணன், அயோத்தியம்மாள் சம்பவ இடத்திலேயே உயிரிழந்தனா்.
சரக்கு வாகன ஓட்டுநா் சங்கா், இரு சக்கர வாகனத்தில் வந்த கலைச்செல்வி ஆகிய இருவரும் பலத்த காயமடைந்து காளையாா்கோவில் அரசு மருத்துவமனையில் அனுமதிக்கப்பட்டனா். பின்னா், தீவிர சிகிச்சைக்காக சிவகங்கை அரசு மருத்துவக் கல்லூரி மருத்துவமனையில் அனுமதிக்கப்பட்டனா்.
இதைத் தொடா்ந்து, விபத்தில் உயிரிழந்த முத்துக்கிருஷ்ணன், அயோத்தியம்மாள் ஆகியோரின் உடல்கள், கூறாய்வுக்காக சிவகங்கை அரசு மருத்துவக் கல்லூரி மருத்துவமனையில் வைக்கப்பட்டன.
இந்த விபத்து குறித்து காளையாா்கோவில் போலீஸாா் வழக்குப் பதிந்து விசாரணை நடத்தி வருகின்றனா்.
