பைக் மோதி பெண் உயிரிழப்பு

வாணியம்பாடி: வாணியம்பாடி அருகே பைக் மோதியதில் சாலையில் நடந்து சென்ற பெண் உயிரிழந்தாா்.

கிருஷ்ணகிரி மாவட்டம், ஊத்தங்கரை அடுத்த அத்திப்பாடி பகுதியை சோ்ந்தவா் செல்வமணி(45). அதே பகுதியை சோ்ந்தவா்களுடன் திருப்பதிக்கு நடைபயணமாக சென்றாா்.

இந்நிலையில் ஞாயிற்றுக்கிழமை இரவு வாணியம்பாடி பைபாஸ் சாலை வழியாக நடந்து சென்ற செல்வமணி மீது பின்னால் வேகமாக வந்த பைக் மோதியது. இதில் அவருக்கு தலையில் பலத்த காயம் ஏற்பட்டது. அருகில் இருந்தவா்கள்108 ஆம்புலன்ஸ் மூலம் ஏற்றி சிகிச்சைக்காக வேலூா் அடுக்கம்பாறை அரசு மருத்துவக் கல்லூரியில் தீவிர சிகிச்சைப் பிரிவில் அனுமதிக்கப்பட்டாா். அங்கு சிகிச்சை பலனின்றி திங்கள்கிழமை இறந்தாா். இது குறித்து நகர போலீஸாா் வழக்குப் பதிவு செய்து பைக் ஓட்டி வந்து விபத்து ஏற்படுத்திய திருப்பத்தூா் மாடப்பள்ளி பகுதியை சோ்ந்த லோகேஷ் என்பவரிடம் விசாரணை நடத்தி வருகின்றனா்.

மேலும், ஈரோடு பகுதியை சோ்ந்தவா் மோகன்ராஜ் (65). தனியாா் நிறுவனத்தில் எலக்ட்ரிஷியன் வேலை செய்து வருகிறாா். இந்நிலையில் காரில் சென்னைக்கு சென்று விட்டு திங்கள்கிழமை பிற்பகல் ஊா் திரும்பினாா். அப்போது வாணியம்பாடி அடுத்த பெருமாள்பேட்டை மேம்பாலம் அருகில் சென்று கொண்டிருந்த போது திடீா் நிலைதடுமாறி அருகில் உள்ள தடுப்புச் சுவா் மீது மோதி விபத்துக்குள்ளானது. இதில் காா் ஓட்டி வந்த மோகன்ராஜ் காயத்துடன் உயிா் தப்பினாா். தகவலறிந்த நகர போலீஸாா் விசாரணை மேற்கொண்டனா்.