பெரியகுளத்தில் நாய் திடீரென குறுக்கே வந்ததால், இரு சக்கர வாகனத்திலிருந்து தடுமாறி கீழே விழந்த இளைஞா் வெள்ளிக்கிழமை உயிரிழந்தாா்.
பெரியகுளம் வடகரை சாமியாா் பங்களா பகுதியைச் சோ்ந்த ரபீக்ராஜா மகன் ஷாஜகான் (19). இவா் தென்கரை சுதந்திர வீதி பகுதியில் இரு சக்கர வாகனத்தில் சென்று கொண்டிருந்தாா்.
அப்போது, மெய்யங்கருப்பசாமி கோயில் அருகே சாலையில் நாய் திடீரென குறுக்கிட்டதில் ஷாஜகான் இரு சக்கர வாகனத்திலிருந்து நிலை தடுமாறி கீழே விழுந்து பலத்த காயமடைந்தாா். பெரியகுளம் அரசு மருத்துவமனைக்குக் கொண்டு செல்லும் வழியில் அவா் உயிரிழந்தாா். இந்த விபத்து குறித்து தென்கரை காவல் நிலைய போலீஸாா் வழக்குப் பதிந்து விசாரிக்கின்றனா்.
