போக்ஸோவில் கூலி தொழிலாளி கைது

பெருந்துறை அருகே போக்ஸோ சட்டத்தில் கூலித் தொழிலாளி கைது செய்யப்பட்டாா்.

அசாம் மாநிலத்தை சோ்ந்த 14 வயது சிறுமி தனது தந்தை இறந்த நிலையில், தனது தாய், தம்பி உடன் பெருந்துறை சிப்காட் அருகில் குடியிருந்து வருகிறாா். எட்டாம் வகுப்பு படித்து முடித்து விட்டு வீட்டில் இருந்து வருகிறாா்.

இந்த நிலையில், டிவி பாா்ப்பதற்காக தனது பக்கத்து வீட்டில் வசிக்கும் கூலித் தொழிலாளி சங்கரின் வீட்டுக்கு சென்றபோது சிறுமியிடம் தவறான தொடுகையில் ஈடுபட்டு, அதை விடியோ எடுத்துக் வைத்துக் கொண்டு மிரட்டி வந்துள்ளாா். அந்த விடியோ பதிவை தனது நண்பா்களுக்கு காட்டியுள்ளாா்.

அந்தப் பதிவை பாா்த்த யாரோ ஒருவா், வெள்ளிக்கிழமை பிற்பகலில் தொலைபேசி எண் 181-க்கு தகவல் கொடுத்ததின் பேரில் பெண்கள் உதவி மைய அலுவலா், சம்பவ இடத்துச் சென்று விசாரணை செய்து குழந்தைகள் உதவி நல மையத்துக்குத் தகவல் கொடுத்துள்ளாா். அதன் பேரில் குழந்தைகள் நல அலுவலா் சுஜாதா பெருந்துறை போலீஸில் புகாா் செய்தாா்.

அந்தப் புகாரின்பேரில், போலீஸாா் சங்கரை (52) சனிக்கிழமை கைது செய்து நீதிமன்றக் காவலுக்கு அனுப்பி வைத்தனா்.