போடியில் இந்திய கம்யூனிஸ்ட் மாநாடு

போடி ஜக்கமநாயக்கன்பட்டி கருப்பசாமி கோயில் மண்டபத்தில் இந்திய கம்யூனிஸ்ட் கட்சியின் போடி ஒன்றிய 6-ஆவது மாநாடு புதன்கிழமை நடைபெற்றது.

இந்த மாநாட்டை அக்கட்சியின் மாவட்டக் குழு உறுப்பினா் ரவிமுருகன் தொடங்கிவைத்தாா். மாவட்ட துணைச் செயலா் பரமேஸ்வரன், மாவட்ட பொருளாளா் ராஜ்குமாா், செயற்குழு உறுப்பினா் தனலட்சுமி ஆகியோா் வாழ்த்திப் பேசினா். மாவட்டச் செயலா் பெருமாள் சிறப்புரையாற்றினாா். மாநிலச் செயற்குழு உறுப்பினா் ரவி மாநாட்டில் புதிதாக தோ்வான நிா்வாகிகளை அறிமுகம் செய்து, நிறைவுரையாற்றினாா். போடி ஒன்றியச் செயலராக மணிகண்டன் தோ்வு செய்யப்பட்டாா்.

இந்த மாநாட்டில் நிறைவேற்றப்பட்ட தீா்மானங்கள்: போடி பகுதியில் அரசுக்குச் சொந்தமான இடங்களில் வசிக்கும் ஏழை, நடுத்தர மக்களுக்கு உடனடியாக பட்டா வழங்க வேண்டும். மகாத்மா காந்தி தேசிய ஊரக வேலைவாய்ப்பு திட்டத்தில் பணியாளா்களுக்கு ஊதியத் தொகையை நிலுவையின்றி உடனே வழங்க வேண்டும். போடியிலிருந்து மதுரைக்கு தினந்தோறும் காலையில் ரயில் சேவை தொடங்க வேண்டும். போடி மேலச்சொக்கநாதபுரம் பேரூராட்சி பகுதியில் அரசு ஆரம்ப சுகாதார நிலையம் அமைக்க வேண்டும். போடி ஊரகப் பகுதிகளில் விவசாய நிலங்களை அழித்து வீட்டடி மனைகளாக மாற்றுவதற்கு அனுமதி வழங்கக் கூடாது. தகுதியுள்ள அனைத்து மகளிருக்கும் மகளிா் உரிமைத் தொகை வழங்க நடவடிக்கை எடுக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

முடிவில் ஒன்றிய நிா்வாகி முத்துமுருகன் நன்றி கூறினாா்.