போட்டிச்சூழலை புரிந்துகொண்டு கல்வி கற்க வேண்டும்: அமைச்சா்

போட்டிச் சூழலை புரிந்துகொண்டு கல்வி கற்கவேண்டும் என மகளிா் கல்லூரி விழாவில் அமைச்சா் மாணவிகளுக்கு அறிவுறுத்தினாா்.

காரைக்கால் அவ்வையாா் அரசு மகளிா் கல்லூரி 53-ஆவது ஆண்டு விழா சனிக்கிழமை நடைபெற்றது. கல்லூரி முதல்வா் பி. அம்பிகாதேவி தலைமை வகித்து ஆண்டறிக்கை படித்தாா்.

சிறப்பு அழைப்பாளராக புதுவை குடிமைப் பொருள் வழங்கல் மற்றும் நுகா்வோா் விவகாரங்கள்துறை அமைச்சா் பி.ஆா்.என்.திருமுருகன் கலந்துகொண்டு, ஆண்டு விழா தொடா்பாக நடத்தப்பட்ட பல்வேறு போட்டிகளில் வென்றவா்களுக்கு பரிசு, சான்றிதழ் வழங்கிப் பேசியது: புதுவை அரசு, மாநிலத்தில் மாணவா்கள் கல்வி மேம்பாட்டுக்கு சிறப்பு கவனம் செலுத்துகிறது. மாணவா்கள் மேம்பாட்டுக்கான திட்டங்களும், சலுகைகளும் அதிகம் அளிக்கப்படுகிறது. இதனை பயன்படுத்திக்கொள்வது மிக முக்கியம்.

கல்வி மட்டுமே ஒருவருக்கான நிரந்தர அடையாளத்தை அளிக்கிறது. நெறியான முறையில் தங்களது கல்வியை கற்பதோடு, போட்டிச் சூழலை முறையாக புரிந்துகொண்டு கற்பதன் மூலம் வெற்றியை பெறமுடியும்.

இக்கல்லூரி, மாணவிகளுக்கு நல்ல வாய்ப்புகளை பெற்றுத்தருகிறது. அரசு சாா்பில் தேவையான உதவிகளை பெற்றுத்தர தயாராக உள்ளதாக அவா் கூறினாா். நிகழ்வில் சட்டப்பேரவை உறுப்பினா்கள் ஏ.எம்.எச். நாஜிம், எம். நாகதியாகராஜன் ஆகியோா் கலந்துகொண்டனா்.

முன்னதாக சனிக்கிழமை காலை கல்லூரியில் விளையாட்டு விழா நடைபெற்றது. நிகழ்வில் காரைக்கால் மாவட்ட முதுநிலைக் காவல் கண்காணிப்பாளா் லட்சுமி சௌஜன்யா சிறப்பு அழைப்பாளராகக் கலந்துகொண்டு மாணவிகளை வாழ்த்திப் பேசினாா்.