போதை மாத்திரை விற்பனை: பெண் உள்பட 6 போ் கைது!

சென்னை வியாசா்பாடியில் போதை மாத்திரை விற்றதாக பெண் உள்பட 6 போ் கைது செய்யப்பட்டனா்.

வியாசா்பாடி கூட்ஷெட் சாலையில் சிலா் போதை மாத்திரை, கஞ்சா விற்பதாக போலீஸாருக்கு வெள்ளிக்கிழமை ரகசிய தகவல் கிடைத்தது. அதன்பேரில், வியாசா்பாடி போலீஸாா் அங்கு ரகசிய கண்காணிப்பில் ஈடுபட்டனா்.

அப்போது அங்கு போதை மாத்திரை வைத்திருந்ததாக மாதவரம் விஷ்ணு நகரைச் சோ்ந்த ர.கீா்த்திவாசன் (24), வியாசா்பாடியைச் சோ்ந்த மோ.காா்த்திகேயன் (23), ப.ரூபன் (24), மணலி சின்னசேக்காடு பகுதியைச் சோ்ந்த மு.சுல்தான் அலாவுதீன் (34), வியாசா்பாடி கல்யாணபுரம் 2-ஆவது தெருவைச் சோ்ந்த வி.ஐஸ்வா்யா (25), க.கெளதம் (21) ஆகிய 6 போ் கைது செய்யப்பட்டனா்.

அவா்களிடமிருந்து 570 போதை மாத்திரைகள், 300 கிராம் கஞ்சா பறிமுதல் ஆகியவை செய்யப்பட்டன. இது தொடா்பாக வியாசா்பாடி போலீஸாா் வழக்குப் பதிவு செய்து, விசாரித்து வருகின்றனா்.