போதை மாத்திரைகள் விற்ற இருவா் கைது

திருச்சியில் போதை மாத்திரைகள் விற்பனை செய்த இருவரை போலீஸாா் ஞாயிற்றுக்கிழமை கைது செய்தனா்.

திருச்சி ஸ்ரீரங்கம் மேலவாசல் பகுதியில் சந்தேகப்படும் வகையில் நின்றுகொண்டிருந்த இருவரைப் பிடித்து விசாரித்தனா்.

இதில், அவா்கள் ஸ்ரீரங்கம் மேலவாசல் தெப்பக்குளம் 2-ஆவது வீதியில் வசித்து வரும் மணப்பாறை கோவில்பட்டியைச் சோ்ந்த சதீஷ்குமாா் (24), தேவதானம் மாரியம்மன் கோயில் வீதியைச் சோ்ந்த அய்யனாா் (29) ஆகியோா் என்பது தெரியவந்தது.

மேலும், அவா்கள் அப்பகுதியில் போதை மாத்திரைகள் விற்பனை செய்தது தெரியவந்தது. மேலும், அவா்களிடம் இருந்து போதை மாத்திரைகள், ஊசிகளைப் போலீஸாா் பறிமுதல் செய்தனா்.