போத்தனூா் - சென்னை இடையே சிறப்பு ரயில்

போத்தனூா் - சென்னை இடையே பயணிகள் வசதிக்காக சிறப்பு ரயில் இயக்கப்பட உள்ளது.

இதுகுறித்து சேலம் ரயில்வே கோட்ட நிா்வாகம் வெளியிட்டுள்ள செய்திக்குறிப்பு:

போத்தனூரில் இருந்து ஜூன் 8-ஆம் தேதி இரவு 11.30 மணிக்கு புறப்படும் போத்தனூா் - சென்னை சிறப்பு ரயில் (எண்: 06028) மறுநாள் காலை 8.40 மணிக்கு சென்னை சென்ட்ரல் ரயில் நிலையத்தைச் சென்றடையும்.

மறுமாா்க்கத்தில் ஜூன் 9-ஆம் தேதி காலை 10.15 மணிக்கு சென்னையில் இருந்து புறப்படும் சென்னை - போத்தனூா் சிறப்பு ரயில் (எண்: 06027) அன்று மாலை 6 மணிக்கு போத்தனூா் ரயில் நிலையத்தைச் சென்றடையும். இந்த ரயிலானது, திருப்பூா், ஈரோடு, சேலம், ஜோலாா்பேட்டை, காட்பாடி, அரக்கோணம், திருவள்ளூா் உள்ளிட்ட ரயில் நிலையங்களில் நின்று செல்லும் என்று தெரிவிக்கப்பட்டுள்ளது.