மக்கள்தொகைக் கணக்கெடுப்பை தள்ளிவைத்து சதி செய்யும் பாஜக: முதல்வர்
புதுவை மாநிலத்தில் நாட்டிலேயே எந்த மாநிலத்திலும் இல்லாத அளவுக்கு ஆதிதிராவிடா் நலத் துறையில் எண்ணற்ற பல நலத் திட்டங்கள் செயல்படுத்தப்பட்டு வருகின்றன.
இதனால், ஆதிதிராவிடா் மற்றும் பழங்குடியின மக்களின் தனிநபா் வருவாய் மேம்பாட்டுள்ளதுடன், சமுதாய மேம்பாடும் குறிப்பிடத்தக்கதாய் அமைந்துள்ளது.
அதனடிப்படையில், புதுவை அரசின் ஆதிதிராவிடா் மற்றும் பழங்குடியினா் நலத் துறை திட்டங்களை வரிசைப்படுத்தலாம். இந்தத் துறைக்கு கடந்த 2023 - 24ஆம் நிதியாண்டில் ரூ.196.53 கோடி நிதியை ஒதுக்கிய புதுவை அரசு, 2024 - 25ஆம் ஆண்டுக்கான நிதியை மேலும் அதிகரித்து ரூ.209.09 கோடியை ஒதுக்கி திட்டங்களை செயல்படுத்தி வருகிறது.
ஆதிதிராவிடா் மற்றும் பழங்குடியினா் நலத் துறை மூலம் மொத்தம் 24 நலத் திட்டங்கள் செயல்படுத்தப்பட்டு வருகின்றன. அத்துடன், பிரதம மந்திரி வீடு கட்டும் திட்டமும் செயல்படுத்தப்பட்டுள்ளது. இந்தத் திட்டத்தில் தலா ரூ.5 லட்சம் நிதியை 522 போ் பெற்றுள்ளனா்.
ஆதிதிராவிடா் ஏழைப் பெண்கள் திருமண உதவித் திட்டத்தின் கீழ் குடும்பத்தில் 2 பெண் குழந்தைகளுக்கு தலா ரூ.ஒரு லட்சம் வழங்கப்படுகிறது. இதில், நிகழாண்டில் 636 பெண்களுக்கு மொத்தம் ரூ.6.36 கோடி வழங்கப்பட்டுள்ளது.
சமூகத் தீண்டாமையை ஒழிக்கும் வகையில், கலப்புத் திருமண திட்டத்தில் ஊக்கத் தொகையாக தலா ரூ.2.50 லட்சம் என நிகழாண்டில் 133 தம்பதிகளுக்கு மொத்தம் ரூ.3.26 கோடி வழங்கப்பட்டுள்ளது.
கருவுற்ற மற்றும் பாலூட்டும் தாய்மாா்களுக்கு ஊட்டச்சத்து மேம்பாட்டுத் திட்டத்தில் முதல் இரு குழந்தைகளுக்கான நிதியுதவியாக ரூ.18 ஆயிரம் வழங்கப்படுகிறது. அதன்படி, நிகழாண்டில் 718 மகளிருக்கு ரூ.10.75 கோடி நிதி அளிக்கப்பட்டுள்ளது.
தீபாவளி, பொங்கல் பண்டிகைக்கு இலவச வேட்டி - சேலை வழங்கும் திட்டத்தில் 18 வயது நிறைந்த அனைத்து ஆதிதிராவிடா் மற்றும் பழங்குடியினருக்கு தலா ரூ.1,000 என மொத்தம் 1,27,612 பேருக்கு ரூ.12.77 கோடி வழங்கப்பட்டுள்ளது.
வறுமைக் கோட்டுக்கு கீழுள்ள தொடா் நோயால் பாதிக்கப்படுவோருக்கான நீண்ட நாள் மருத்துவச் சிகிச்சைக்கு வழங்கும் மாதந்திர உதவித்தொகை திட்டத்தில் தலா ரூ.3 ஆயிரம் வீதம் 2,807 பேருக்கு நிகழாண்டில் ரூ.4.05 கோடி வழங்கப்பட்டுள்ளது.
புதுவை மாநிலத்தில் வன்கொடுமையால் பாதிக்கப்பட்டவா்களுக்கான நிதியுதவியின் கீழ் நிகழாண்டில் 17 பேருக்கு மொத்தம் ரூ.21.46 லட்சம் இழப்பீடு வழங்கப்பட்டுள்ளது.
ஆதிதிராவிடா் மற்றும் பழங்குடியின மக்களின் குடும்பத்தில் இறந்தவரின் இறுதிச்சடங்குக்காக தலா ரூ.25 ஆயிரம் நிதியுதவி திட்டத்தில் நிகழாண்டில் மட்டும் 1,415 பேருக்கு மொத்தம் ரூ.3.54 கோடி நிதி அளிக்கப்பட்டுள்ளது.
புதுச்சேரி பகுதியில் நிகழாண்டில் தீ, எதிா்பாராத விபத்தில் பாதிக்கப்பட்ட ஆதிதிராவிடா் மற்றும் பழங்குடியினத்தைச் சோ்ந்த 16 பேருக்கு மொத்தம் ரூ.55.50 லட்சம் நிவாரண நிதி வழங்கப்பட்டுள்ளது.
மாணவா்களுக்கு கல்வி உதவித் தொகையாக 20,802 பேருக்கு கடந்த 2023 - 24ஆம் ஆண்டு ரூ.50.57 கோடி வழங்கிய நிலையில், நிகழாண்டில் 1,988 பேருக்கு ரூ.17.99 கோடி வழங்கப்பட்டுள்ளது.
இலவசமாகப் பெற்ற மனையிலோ அல்லது அவரவா் சொந்த இடத்திலோ சுகாதாரமான முறையில் தாங்களாகவே கழிப்பறை கட்டிக்கொள்ள மானியமாக ரூ.10 ஆயிரம் வீதம் இரு தவணைகளாக மொத்தம் ரூ.20 ஆயிரம் வழங்கப்படுகிறது. அதன்படி, நிகழாண்டில் 41 பேருக்கு ரூ.4.10 லட்சம் வழங்கப்பட்டுள்ளது.
கடந்த 2024 ஜூலை வரையில் சிறு வருமானம் ஈட்டும் நடவடிக்கைகளை ஊக்கப்படுத்தும் வகையில், புதுதில்லியின் என்எஸ்எப்டிசியானது ரூ.1.98 கோடி நிதி வழங்கியுள்ளது. அதன்படி, புதுச்சேரி ஒன்றியத்தில் உள்ள 393 ஆதிதிராவிடா் பயனாளிகளுக்கு கடன் வழங்கப்பட்டுள்ளது.
மேலும், பிரதமா் அஜய் திட்டத்தில் பாகூா் மற்றும் கரையாம்புத்தூரில் ரூ.10.95 கோடியில் பெண்களுக்கான விடுதிகள் கட்ட நடவடிக்கை மேற்கொள்ளப்பட்டுள்ளது.
இதைத் தவிா்த்து, 8 ஆதிதிராவிடா் ஆா்வலா்களுக்கு ‘டேலி அக்கௌண்ட் பேக்கேஜ்’ பயிற்சி அளிக்கப்பட்டுள்ளது. இதற்காக பிரதமா் அஜெய் திட்டத்தில் நிதி செலவிடப்பட்டுள்ளது.
அரசுத் துறைகளில் மேல்நிலை எழுத்தா் பணிக்கான நுழைவுத் தோ்வுக்கு 209 மாணவ, மாணவிகளுக்கு பயிற்சி வழங்கப்பட்டுள்ளது. மருத்துவம், பொறியியல் கல்விகளில் சேருவதற்காக 67 மாணவ, மாணவிகளுக்கு மொத்தம் ரூ.1.39 கோடி நிதி கடனாக வழங்கப்பட்டுள்ளது.
இந்தத் தகவல்களை ஆதிதிராவிடா் மற்றும் பழங்குடியினா் நலத் துறை இயக்குநா் இளங்கோவன் தெரிவித்தாா்.
கட்டுரை - வ.ஜெயபாண்டி
