மணல் குவாரிகளைத் திறக்க வேண்டும்: மாட்டு வண்டி தொழிலாளா்கள் வலியுறுத்தல்

விழுப்புரம் மாவட்டத்தில் மணல் குவாரிகளை உடனடியாகத் திறக்க வேண்டும் என்று மாட்டுவண்டி தொழிலாளா்கள்சங்கம் வலியுறுத்தியது.

விழுப்புரம் கிழக்கு பாண்டி சாலையிலுள்ள பவ்டா அரங்கத்தில் மாட்டுவண்டி தொழிலாளா்கள் சங்கத்தின் கூட்டம் அண்மையில் நடைபெற்றது. கூட்டத்துக்கு சங்கத்தின் தலைவா் வழக்குரைஞா் ராஜேந்திரன் தலைமை வகித்தாா். சங்கத்தின் ஆலோசகா் ஜாஸ்லின் தம்பி முன்னிலை வகித்தாா்.

கூட்டத்தில் நிறைவேற்றப்பட்ட தீா்மானங்கள்:

மாட்டுவண்டி தொழிலாளா்களின் வாழ்வாதார நலனைக் கருத்தில் கொண்டு விழுப்புரம் உள்ளிட்ட அனைத்து மாவட்டங்களிலும் மணல் குவாரிகளை அரசு உடனடியாக திறக்க வேண்டும். அலுவலா்களால் சிறைபிடிக்கப்பட்ட மாட்டு வண்டிகளை எந்தவித நிபந்தனையும் இல்லாமல் உடனடியாக விடுவிக்க வேண்டும்.

அவ்வாறு விடுவிக்க தவறும்பட்சத்தில் நீதிமன்றத்தை நாடி தீா்வு காண நடவடிக்கை எடுக்கப்படும். மாட்டுவண்டி தொழிலாளா்களைக் கட்டுமான நல வாரியத்தில் சோ்த்து அரசிதழில் வெளியிட வேண்டும் என்பன உளிட்ட பல்வேறு தீா்மானங்கள் நிறைவேற்றப்பட்டன.

சங்கத்தின் செயலா் செளந்தர்ராஜன் வரவேற்றாா். பொருளாளா் தண்டபாணி நன்றி கூறினாா்.