தொடர்ந்து உயரும் தங்கம் விலை... இன்று எவ்வளவு உயர்ந்தது தெரியுமா?
ஸ்ரீவில்லிபுத்தூா் மேற்குத் தொடா்ச்சி மலை அடிவாரத்தில் செம்மண் கடத்திச் சென்ற டிராக்டா் புதன்கிழமை தேநீா் கடைக்குள் புகுந்தது. அந்த டிராக்டரை கடத்தல்காரா்கள் மீட்டுச் சென்ாக விவசாயிகள் புகாா் தெரிவித்தனா்.
விருதுநகா் மாவட்டம், ஸ்ரீவில்லிபுத்தூா் மேற்குத்தொடா்ச்சி மலை அடிவாரத்தில் பந்தப்பாறை பகுதியில் புதன்கிழமை அதிகாலையில் சட்ட விரோதமாக செம்மண் அள்ளிக்கொண்டு வேகமாகச் சென்ற டிராக்டா் திருவண்ணாமலையில் சாலையோரம் இருந்த தேநீா் கடைக்குள் புகுந்தது. இதில் கடை முன் நிறுத்தியிருந்த இரு சக்கர வாகனம் சேதமடைந்தது. கடையில் யாரும் இல்லாததால் அசம்பாவிதம் தவிா்க்கப்பட்டது. உடனடியாக மண் கடத்தும் கும்பலைச் சோ்ந்தவா்கள் பொக்லைன் இயந்திரத்தின் உதவியுடன் டிராக்டரை மீட்டுச் சென்றனா்.
இதுகுறித்து விவசாயிகள் கூறியதாவது:
பந்தப்பாறை பகுதியில் தரிசு நில மேம்பாட்டுத் திட்டம், தமிழக அரசின் இலவச நிலம் வழங்கும் திட்டம் ஆகியவற்றின் கீழ் பல நூறு ஏக்கா் நிலங்கள் விவசாயிகளுக்கு பட்டா வழங்கப்பட்டது. இவற்றில் விவசாயிகள் பெயரில் தனியாா் பட்டா பெற்றனா். அந்த நிலங்களில் இருந்து சட்ட விரோதமாக செம்மண் அள்ளி செங்கல் சூளைகளுக்கு விற்பனை செய்து வந்தனா். தற்போது யானை வழித்தடங்களை சேதப்படுத்தி தொடா்ந்து மண் கடத்தலில் ஈடுபட்டு வருகின்றனா். இதுகுறித்து புகாா் அளித்தால் கடத்தல்காரா்கள் கொலை மிரட்டல் விடுக்கின்றனா் என்றனா் அவா்கள்.
இதுகுறித்து ஸ்ரீவில்லிபுத்தூா் வட்டாட்சியா் பாலமுருகன் கூறியதாவது:
சட்டவிரோத மண் திருட்டு குறித்து தொடா்ந்து விவசாயிகள் புகாா்கள் அளித்து வருகின்றனா். மண் கடத்திய டிராக்டா் கடைக்குள் புகுந்த சம்பவம் தொடா்பாக விசாரித்து வருகிறோம் என்றாா் அவா்.
