திருவண்ணாமலையில் பல்வேறு கோரிக்கைகளை வலியுறுத்தி தமிழ்நாடு அரசு அனைத்து மருந்தாளுநா் சங்கத்தினா் வெள்ளிக்கிழமை கவன ஈா்ப்பு ஆா்ப்பாட்டத்தில் ஈடுபட்டனா்.
அரசு மருத்துவக் கல்லூரி அருகே நடைபெற்ற ஆா்ப்பாட்டத்துக்கு சங்கத்தின் திருவண்ணாமலை மாவட்டத் தலைவா் சா. முருகன் தலைமை வகித்தாா்.
கி.துரைப்பாண்டியன் வரவேற்றாா். மாவட்டச் செயலா் எஸ்.வெங்கடேசன் விளக்க உரையாற்றினாா். மாநிலச் செயலா் பாா்த்தசாரதி சிறப்புரையாற்றினாா்.
ஆா்ப்பாட்டத்தின்போது, 700-க்கும் மேற்பட்ட மருந்தாளுநா் காலிப் பணியிடங்கள் நிரப்புதல், தொகுப்பு ஊதியத்தில் நியமிக்கப்பட்ட 39 நகா்புற ஆரம்ப சுகாதார நிலைய மருந்தாளுநா்களை பணிவரன்முறை செய்தல், ஆரம்ப சுகாதார நிலைய மருந்தாளுநா்களின் பணி நேரம் 9 -4 என்ற அரசாணையினை அமல்படுத்துதல், மருந்தக கண்காணிப்பாளா் மருந்தியல் அலுவலா் துணை இயக்குநா் மருந்தியல் பணியிடங்களை உருவாக்குதல் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.
மருந்தாளுநா்கள், தலைமை மருந்தாளுநா்கள், மருந்து கிடங்கு அலுவலா்கள் மற்றும் பெண் மருந்தாளுநா்கள் உள்பட 30 போ் கலந்து கொண்டனா்.
