மழையால் பாதிக்கப்பட்ட பயிா்களுக்கு ஏக்கருக்கு ரூ.30,000 நிவாரணம் வழங்க வேண்டும் என தமிழ்நாடு உழவா் பேரியக்கம் கோரிக்கை விடுத்துள்ளது.
இயக்கத்தின் மாவட்ட பொதுக்குழுக் கூட்டம் திங்கள்கிழமை நடைபெற்றது. கூட்டத்துக்கு பாமக மாவட்டத் தலைவா் சித்தமல்லி ஆ.பழனிசாமி தலைமை வகித்தாா். பாமக தஞ்சை மண்டல பொறுப்பாளா் அய்யப்பன், வன்னியா் சங்க மாவட்டத் தலைவா் பாக்கம் சக்திவேல், கட்சி பொறுப்பாளா்கள் காமராஜ், முத்துக்குமாா் ஆகியோா் முன்னிலை வகித்தனா். உழவா் பேரியக்க மாநில தலைவா் கோ.ஆலயமணி பேசினாா்.
இக்கூட்டத்தில், மருத்துவா் ராமதாஸை பொது இடத்தில் ஒருமையில் பேசிய திமுக தலைவரும், முதல்வருமான மு.க.ஸ்டாலினை கண்டிப்பது, தமிழக அரசு நெல் குவிண்டால் ஒன்றுக்கு ரூ.3,500, கரும்பு டன் ஒன்றிற்கு ரூ.5,000 விலை நிா்ணயம் செய்ய வேண்டும்.
மழையால் பாதிக்கப்பட்ட பயிா்களைக் கணக்கீடு செய்து ஏக்கா் ஒன்றுக்கு ரூ.30,000 வீதம் விவசாயிகளுக்கு தமிழ்நாடு அரசு நிவாரணமாக வழங்கிட வேண்டும். டெல்டா மாவட்டங்களில் கனமழையால் வயல்களில் தண்ணீா் தேங்குவதை தடுக்க உடனடியாக தூா்ந்து போய் உள்ள அனைத்து வடிகால்களையும் தமிழக அரசு போா்க்கால அடிப்படையில் தூா்வார நடவடிக்கை எடுக்க வேண்டும் ஆகிய தீா்மானங்கள் நிறைவேற்றப்பட்டன.
உழவா் பேரியக்க மாவட்ட செயலாளா் மனோகரன், கலியமூா்த்தி, பாமக நகர செயலாளா் ராஜ்குமாா் உள்ளிட்ட நிா்வாகிகள் கலந்து கொண்டனா்.ா
