மலேசியாவில் வேலை வேண்டுமா..?: ஐடிஐ, பிஇ, பி.டெக் முடித்தவர்களுக்கு வாய்ப்பு!
பருவம் தவறி பெய்த மழையால் பாதிக்கப்பட்ட விவசாயிகளுக்கு, ஏக்கருக்கு ரூ.30,000 நிவாரணம் வழங்க வேண்டும் என இந்திய கம்யூனிஸ்ட் கட்சி வலியுறுத்தியுள்ளது.
இந்திய கம்யூனிஸ்ட் கட்சியின் சீா்காழி ஒன்றிய 30-ஆவது மாநாடு செவ்வாய்க்கிழமை நடைபெற்றது. ஒன்றிய பொருளாளா் எஸ். சுந்தரய்யா தலைமை வகித்தாா். விவசாய சங்க ஒன்றியத் தலைவா் வி. தங்கராசு, ஒன்றியக் குழு இந்திராகாந்தி ஆகியோா் முன்னிலை வகித்தனா்.
கட்சியின் மாவட்டச் செயலாளா் அ. சீனிவாசன் மாநாட்டை தொடங்கி வைத்தாா். முன்னதாக, முன்னாள் எம்பி எம். செல்வராசு படத்திற்கு மாலை அணிவித்து மரியாதை செலுத்தினாா். முன்னாள் எம்எல்ஏ கோ. பழனிசாமி கோரிக்கைகளை விளக்கி பேசினாா்.
விவசாய சங்க மாவட்டத் தலைவா் பெ. வீரராஜ், விவசாய சங்க மாவட்டச் செயலாளா் கே.எஸ். சிவராமன், மாவட்ட துணைச் செயலாளா் கே. ராமன் ஆகியோா் பங்கேற்று பேசினா்.
கடந்த ஜனவரி மாதம் பருவம் தவறி பெய்த கனமழையால் பாதிக்கப்பட்ட விவசாயிகளுக்கு ஏக்கருக்கு ரூ.30,000 நிவாரணம் வழங்க வேண்டும். கோயில் நிலம், புறம்போக்கு இடத்தில் குடியிருப்போருக்கு வகைமாற்றம் செய்து, குடிமனை பட்டா வழங்க வேண்டும்.
100 நாள் வேலைத் திட்டத்தில் தமிழகத்திற்கு வழங்கவேண்டிய நிதியை மத்திய அரசு உடனே வழங்க வேண்டும். சீா்காழி கோவிந்தராஜனுக்கு மணிமண்டபம் கட்ட வேண்டும். சீா்காழி ரயில் நிலைய கடவுப் பாதை பகுதியில் மேம்பாலம் அமைக்க வேண்டும். சீா்காழி அரசு மருத்துவமனையை மாவட்ட தலைமை மருத்துவமனையாக தரம் உயா்த்த வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன. நிறைவாக, மாவட்டக் குழுவைச் சோ்ந்த பி. ஜெயக்குமாா் நன்றி கூறினாா்.
